Albiste izango dira: PP-Vox haustura, lehendakariaren bilera sorta, eta Marta Rovira, Kataluniara
Honako gai hauek hartuko dituzte gaur, 2024ko uztailaren 12an, hedabideetako lerroburu nagusiak:
- PP-Vox haustura: Vox alderdi ultraeskuindarrak bertan behera utzi ditu PPrekin Gaztela eta Leonen, Aragoin, Valentziako Erkidegoan, Murtzian eta Extremaduran zituen koalizio gobernuak. Santiago Abascal Voxeko presidenteak oposiziora pasatuko direla iragarri du. Balear Uharteetan PPk gutxiengoan gobernatzen du, eta Voxek orain arte kanpotik eskaintzen zion babesa erretiratu egingo dio. PPk bidaiderik gabeko adingabe migratzaileen banaketari oniritzia eman ostean hartu du itunak hausteko erabakia Voxek.
- Lehendakariaren bilera sortaren bigarren eguna: Imanol Pradales lehendakariak Eusko Legebiltzarrean ordezkaritza duten alderdiekin abiatu duen bilera sortarekin jarraituko du gaur, PPrekin eta PSE-EE bazkidearekin batzartuta. Javier de Andres EAEko PPren presidenteari 10:00etan jarri diote hitzordua, Ajuria Enean. Bileraren ondotik, agerraldia egingo du Legebiltzarrean, balorazioa egiteko. Eguerdian, Eneko Andueza PSE-EEko idazkari nagusia hartuko du lehendakariak. Buruzagi sozialistaren agerraldia espero da batzarraren ondotik.
- Marta Rovira, Kataluniara: Marta Rovira ERCko idazkari nagusia, gaur itzuliko da Kataluniara. Rovira 2018ko martxotik dago Genevan (Suitza) dagoena, eta Manuel Garcia-Castellon Auzitegi Nazionaleko epailearen akats baten ondorioz 'tsunami democratic' auzia artxibatu ostean itzuliko da. Marta Rovirarekin batera itzuliko dira Ruben Wagensberg Kataluniako Parlamentuko diputatu errepublikanoa, Oleguer Serra Omnium Culturaleko lehen presidenteordea, Josep Campmajo enpresaria eta Jesus Rodriguez kazetaria.
Albiste gehiago politika
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.