PSOEk Peinado epailearen erabakiari helegitea jarriko dio, eta PPk dimisioa emateko eskatu dio Sanchezi
Patxi Lopez PSOEk Diputatuen Kongresuan duen bozeramaileak kritikatu duenez, Begoña Gomez Espainiako Gobernuko presidentearen emaztea ikertzen ari den auzia "muntaia" bat da, Alderdi Popularrari mesede egiteko helburua duena, eta 'Peinado auzi' gisa izendatu du, Juan Carlos Peinado epaileak Pedro Sanchez lekuko gisa deklaratzera deitu ostean.
Sanchezek deklaratzea onartuko duen galdetu diotenean, Lopezek esan du epailearen erabakia ezagutu berri dutela eta, beraz, "nola egiten duten baloratzen" ariko direla. Handik gutxira, ohar batean, sozialistek aurreratu dute Peinado epailearen erabakiari helegitea jarriko diotela. Salatu dutenez, ikerbide berri horiek "justifikaziorik gabekoak" dira eta kasuaren izaera "politikoa" agerian uzten dute.
Radio Euskadin, Mertxe Aizpurua EH Bilduk Kongresuan duen bozeramaileak azaldu duenez, "gehiegi hitz egin da", eta "litekeena da Sanchezen emaztearen ekintzak ez duela zigorrik merezi, ezta legez kanpoko ezer ere gertatu, baina benetan ez dago ondo egindakoa", eta "gaitzespen morala" merezi lezake "presidentearen emaztea bazara, ez bildu enpresaburuekin Moncloan". Hala ere, horren atzean "kanpaina antolatu kritikagarria" dago, eta auzia 'law fare'aren barruan kokatu du.
Bestalde, Alberto Nuñez Feijoo PPko presidenteak Joe Biden AEBko presidentearen adibidea jarraitzeko eta alde egiteko eskatu dio Sanchezi. PPren Zuzendaritza Batzorde Nazionalaren aurrean egindako agerraldian, Feijook Bidenen erabakia goraipatu du, "bere alderdia eta herrialdea lehentasun pertsonalen gainetik" jarri dituelako, eta bere buruari galdetu dio "zenbat emango genukeen hori Espainian gertatzeagatik?".
Ernest Urtasun Sumarreko bozeramaileak, aldiz, epailearen erabakia Espainiako Gobernuaren aurkako "eraso" eta "higadura operazio" gisa salatu du. Madrilen emandako prentsaurrekoan, Urtasunek esan du ez dagoela "kasurik" presidentearen emaztearen aurkako auzian, eta prozesu judizial honen xede bakarra Exekutiboari kalte egiteko "titularrak sortzea" dela.
'X' sare sozialean zabaldutako mezu baten bidez, Ione Belarra Podemoseko buruak Botere Judizialaren Kontseilu Nagusia (BJKN) berritzeko PPrekin egindako itunarekin ez jarraitzeko eskatu dio Espainiako Gobernuko presidenteari, bestela, "bere hilobia zulatzen jarraituko du".
Azkenik, Vox alderdi ultraeskuindarrak epailearen erabakia txalotu du, baina "gauza gutxi" espero du Sanchezen deklaraziotik, "justizia oztopatzea" eta "gardena eta zintzoa ez izateko edozer gauza" baino ez du espero. "Pedro Sanchezi gardentasuna eta zintzotasuna eskatzea oso inozoa litzateke, eta gu, noski, ez gara inozoak", azpimarratu du Jose Antonio Fuster bozeramaileak bere alderdiaren Ekintza Politikorako Batzordearen bileraren ostean egin ohi duen prentsaurrekoan.
Albiste gehiago politika
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.
Albiste izango dira: Pradales-Sanchez bilera, Torre Pacheco eta zenbat gastatzen dugu oporretan?
Gaurkoan albiste izango direnen laburpena, bi hitzetan.
Kataluniarentzako eta hala nahi duten erkidegoentzako finantziazio berezi berriaren gakoak
Aurreikusitako ereduak, hasteko, zerga-bilketa osoa Generalitatearen esku uzten du, eta baliabide horien zati bat Estatuari ematea aurreikusten du, erkidegoari eskaintzen dizkion zerbitzuen ordainetan.
Espainiako Gobernuak eta Generalitateak diru-sarreren araberako finantzaketa-eredua hitzartu dute, baina ez dute zehaztu datarik ezta kopururik ere
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Borja Semperrek (PP) minbizia antzeman diotela iragarri du
Alderdi Popularreko bozeramaileak adierazi duenez, ohiko mediku-azterketa batean tumore bat atzeman diote, eta "tratamendu zorrotza" beharko du. Dena dela, "sendatuko" dela berretsi diote medikuek.
Borja Semperrek minbizia duela eta tratamendua hasiko duela iragarri du
PPk Kongresuan duen bozeramaileak prentsaurrekoan iragarri duenez, tumorea ohiko azterketa batean atzeman zioten: "Lehen fasean dago, eta sendatzeko aukerak daudela esan didate".
Mertxe Aizpurua (EH Bildu): "Gehiengo abertzaleari erantzun behar dio Espainiako Gobernuak eta zintzilik dauden transferentzia guztiak eskuz aldatu"
EH Bilduk Diputatuen Kongresuan duen bozeramailearen arabera, "alderdi abertzaleek ados jarri beharko genuke" eskualdatzeko dauden eskumenak transferitzeko. Gogorarazi du horien artean Gizarte Segurantzaren kudeaketarena dagoela, eta azpimarratu du, zaila izan arren, euskal indar abertzaleek elkarrekin eskatu beharko lioketela Espainiako Gobernuari hartutako konpromisoa betetzeko.
Espainiako Gobernua eta Generalitatea finantziazio-eredua sinatzeko dira, beste erkidego batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da, Bartzelonan, mahai gainean finantzaketa-eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina xehetasunak aletu beharko dituzte.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.