Navarra Sumak ohartarazi du PSOEk 'Gobernu ahula' osatu nahi duela
Estatu mailako buruzagi politikoen arteko telebistako eztabaidaren "ajea" izan da Nafarroako hauteskunde orokorretako kanpainaren bosgarren eguna markatu duena, baina klima aldaketaz eta etxebizitza politikaz ere hitz egin dute.
Navarra Suma
Hala, Sergio Sayas Kongresurako Navarra Suma koalizioaren hautagaiak adierazi du Pedro Sanchez sozialista "iheslari eta koherentziarik gabe” ikusi zuela atzoko eztabaidan.
"Koherentziarik gabe" egon zela berretsi du Sayasek, gobernua alderdi bozkatuenarentzat izatea eskatu arren, “bere alderdiak Nafarroan kontrakoa” egin duelako.
Gainera, jarduneko presidentea "ihesean" ibili zela kritikatu du, hauteskundeen osteko itunei buruzko "argitasun izpirik" ez zuelako erakutsi; eta, Nafarroan bezala, PSOEk ere "nazionalisten babesarekin Gobernu ahula" eratu nahi duela salatu du. Azkenik, Sanchez "Espainiarentzat proiekturik ez duen" hautagaia dela gaineratu du.
PSN
Eztabaidarekin jarraituz, Conchi Ruiz PSNko Kongresurako bigarren hautagaiak esan du "Navarra Sumari botoa ematea Casadori eta Abascali botoa ematea" dela. Ruizen esanetan, "argi geratu zen hurrengo hauteskundeetan bi herri ereduren artean bozkatuko dugula".
"Lehenengoa, Pedro Sanchezena, bizikidetza eta lurralde- eta gizarte-kohesioa sustatzen dituena, eta bigarrena, Casado, Rivera eta Abascalen eskuinarena, gure herria apurtzen duena, eskumen autonomikoak ezabatzen dituena, eskubide sozialak ezabatzen dituena eta gatazka iraunkorra bilatzen duena", berretsi du hautagaiak.
Unidas Podemos
Unidas Podemosek Iruñean egin du eguneko ekitaldi nagusia, eta Irene Montero bozeramaileak esan du "bizitza osoan" sozialistei botoa eman dietenek ere badakitela, eztabaidaren ostean, aukera ezkertiarra alderdi morearena dela.
Unibertsitateko ikasleekin egindako kanpaina-ekitaldi batean, Monterok azpimarratu du eztabaidan "argi eta garbi" ikusi zela Pedro Sanchez PSOEko idazkari nagusiak eskuinarekin aliantza bilatzeko erabakia hartu duela, eta hala eskatu ziola "esplizituki" Pablo Casado PPko buruari.
EH Bildu
Bestalde, Bel Pozueta Kongresurako EH Bilduren hautagaiak, alderdiaren egoitzan egindako ekitaldi politikoan, klima aldaketari aurre egiteko "benetako neurriak" hartzea defendatu du.
Une honetan, "beharrezkoa da Madrilen benetako ekintzak defendatuko dituen indar bat egotea larrialdi klimatikoari aurre egiteko. Eta indar hori EH Bildu da, ez baitugu beldurrik gure planeta kutsatzen duten multinazional handiak zigortzeko ", Pozuetaren arabera.
Geroa Bai
Geroa Baik azken legegintzaldian Nafarroan gauzatutako etxebizitza politika defendatu du, eta Kongresuan ordezkaritza lortzeko beharra azpimarratu du, bertan Estatuko legedian aldaketak bultzatzeko, Foru Erkidegoak arlo hori kudeatzeko aukera handiagoak izan ditzan.
Maria Solana zerrendaburuak prentsaurrekoan azaldu duenez, "Madrilen, aukera baldin badugu, politika bera egiten jarraituko dugu, printzipio berberekin, norabide berean eta Nafarroan egiten ditugun eskakizun eta aldarrikapen berberekin ".
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.