Pozuetak (EH Bildu) 'ahots duina eta fidagarria' eramango duela esan du Asironek
Kongresurako eta Senaturako hautagai nafarrek, hauteskunde orokorretatik hiru egunera, ahaleginak areagotu dituzte ostegun honetan herritarrei euren mezuak helarazteko, eta independentismoa, erronka demografikoa, autogobernua eta gizarte zerbitzuak izan dituzte hizpide.
Navarra Suma
Navarra Sumaren egoitzan egindako ekitaldi politikoan Senaturako hautagaiek adierazi dutenez, azaroaren 10a "independentismoari aurre egiteko aukera bat" da, eta, ildo horretan, boto "erabilgarri eta eraginkorrerako" deia egin dute, bereziki azpimarratuz "azaroaren 11 ezin dela izan damutuen eguna".
Alberto Catalan eta Amelia Salanueva kritiko agertu dira Pedro Sanchezen zein Maria Chiviteren gobernu sozialistekin, eta adierazi dute "aldaketarako aukerak" badaudela, baina horretarako, "Navarra Sumari emandako botoak beharrezkoak" direla.
"Independentismoari aurre egiteaz gain, independentistak ezin direla Nafarroako eta Espainiako gobernuetako kide izan PSOEri ozen esateko aukera dago ", esan du Catalanek.
PSN
Bestalde, Conchi Ruiz Kongresurako PSNren hautagaitzako bigarrenak Lizarran egindako ekitaldi batean esan duenez, erronka demografikoak sozialisten hauteskunde-programaren funtsezko zati bat hartzen du, "beharrezkoa baita despopulazioari heltzea, atzeraezinezko arazoa izan baino lehen".
Bere alderdiko hautagaiek eta kideek lagunduta, Ruizek azpimarratu du sozialistek "zerbitzu sozialak hobetu, indartu eta herrietara hurbiltzearen alde" egiten dutela, "eskuinak planteatzen duenaren guztiz kontrakoa".
Hala, "erronka demografikoaren aurkako estrategia onartzearen eta landa-ingurunean gizarte-, hezkuntza-, osasun-, laguntza- edo aisialdi-zerbitzuak ematearen aldeko" apustua azpimarratu du.
Elkarrekin Podemos
Ione Belarra Elkarrekin Podemosen Kongresurako hautagai nafarrak autogobernua izan du hizpide, eta alderdi moreak "42 diputaturekin eta ez 1ekin edo 2rekin" defendatzen duela baieztatu du.
"Zortea daukat", esan du Belarrak Iruñeko autobus geltokiaren aurrean egindako ekitaldi politikoan, "Nafarroa ulertzen duen eta gure herrialdea nazio anitzekoa dela ulertzen duen indar politiko bat ordezkatzen dudalako".
"Horregatik, beste indar batzuen saiakera birzentralizatzaileen aurrean, guk Nafarroaren autogobernua eta nafarren eskubide sozialak defendatzen ditugu 42 eserlekurekin, eta ez bakarrik 1 edo 2rekin", azpimarratu du.
EH Bildu
Joseba Asiron Iruñeko Udaleko EH Bilduren bozeramaileak Bel Pozuetarentzat eskatu du botoa, "Nafarroak Madrilen behar duen ahots ausart, zintzo, duin eta fidagarria" izateko. Huarten egindako ekitaldi batean egin ditu adierazpenok, eta hautagaiak "aurrera egiteko garaia" dela esan du.
"Bel Pozuetak bidegabekeriei aurre egiteko adierazten dituen balioak, indarra, duintasuna, zintzotasuna eta ausardia” Nafarroako balioak dira, Asironen hitzetan; Nafarroa "anitza, benetakoa, bere buruari konplexurik gabe begiratzen diona eta bidegabekeriei eta inposizioei aurre egin diena" dela iritzita.
Geroa Bai
Prentsaurrekoan, Maria Solana Geroa Baiko Kongresurako hautagaiak Hitzarmen Ekonomikoaren alde egin du ostegun honetan, nafarren "ongizaterako eta oparotasunerako tresna eraginkorrenetako" gisa.
Krisi ekonomikoak "ondorio suntsitzaileak" izan dituela adierazi du Solanak, Espainiako Gobernuak "gaizki kudeatu" duelako, "Lehentasunak ezartzeko orduan sentsibilitate falta" erakutsi duelako.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.