Ameriketako Estatu Batuak
2025/03/04 - 13:36
Pradalesek datorren astean egingo du Estatu Batuetara lehen bidaia ofiziala
Aliantza politiko, ekonomiko, enpresarial eta sozial berrien bila doa lehendakaria, "ondorio ezezagunak izango dituen aldaketa geopolitiko handi eta sakonak gertatzen ari diren garai honetan".
2025/03/04 - 08:41
AEBk Mexiko, Kanada eta Txinari ezarritako muga-zergak indarrean sartu dira
Muga-zergen igoera horiek indarrean sartzeak Txinak eta Kanadak berehala erantzutea eragin du.
2025/03/03 - 23:46
Trumpek iragarri du apirilaren 2tik aurrera nekazaritzako produktuei muga-zergak ezarriko dizkiela
Hala ere, AEBko presidenteak ez du zehaztu produktuen zerrendarik, ezta salbuespenik egongo den ere. Gainera, astearte honetan Txinako produktuei % 10eko zerga gehigarri bat aplikatzea aurreikusi du Trumpek, eta Mexiko zein Kanadako inportazioei % 25eko muga-zerga ezarriko die.
2025/03/02 - 21:02
Europako liderrek Ukrainarako bake plana lantzen jarraitu dute, eta AEBren "beharrezko" babesa bilatuko dute
Keir Starmerrek agerraldia egin du igande honetan Londresen egin den goi-bilera informalaren amaieran, eta planaren puntu nagusiak aurkeztu ditu: Ukrainari laguntza militarra ematen jarraitzea, haren segurtasuna eta subiranotasuna bermatzea eta AEBren eskutik joatea.
2025/03/02 - 19:43
AEBren ustez, Zelenskik kargua utzi beharko luke lur arraroen itunari eta gerraren amaierari uko egiten badio
"Badirudi arrazoi pertsonal edo politikoengatik Zelenski presidenteak ez duela gerra bukatu nahi; beraz, uste dut arazo larri bat dugula esku artean", adierazi du AEBko Segurtasun Nazionaleko aholkulari Mike Waltzek.
2025/03/01 - 09:43
Zelenskik ez dio Trumpi barkamena eskatu nahi izan, eta esan du "bake justua" bilatzen jarraituko duela
AEBko presidenteak, ordea, uste du Putinen aurka egitera bideratzen duela indarra. Ukrainara laguntza militar gehiago ez bidaltzea aztertzen ari omen da Etxe Zuria.
2025/03/01 - 09:01
Europako agintariek Zelenskiri babesa eman diote, Trumpekin izandako ika-mikaren ondotik
Besteak beste, Frantziak, Alemaniak, Espainiak eta Poloniak babesa agertu diote Ukrainako presidenteari.
2025/02/28 - 20:26
Horrelakoa izan da Zelenskiren eta Trumpen arteko ika-mika beroa Etxe Zuriko Bulego Obalean
Donald Trump AEBko presidenteak "esker txarrekoa" izatea leporatu dio Volodimir Zelenski Ukrainako agintariari.
2025/02/28 - 20:24
Eztabaida beroa Etxe Zurian: Trumpek "Hirugarren Mundu Gerrarekin jolasean aritzea" egotzi dio Zelenskiri
Bi agintariek ika-mika izan dute Bulego Obalean, eta AEBko presidenteak Ukrainakoari esan dio ez dagoela bere baldintzak inposatzeko moduan. "Une honetan ez duzu jokaldi onik esku artean", ohartarazi dio.
2025/02/28 - 06:00
Zenbat baliabide mineral gordetzen ditu Ukrainako lurpeak?
Donald Trumpek eta Volodimir Zelenskik adostu dute Ukrainako baliabide mineralen ustiapenaren etekinen % 50 inbertsio funts bateratu batera bideratzea. Guztira, Ukrainak munduko baliabide mineralen % 5 ditu.
2025/02/27 - 09:38
Europari % 25eko muga-zergak ezarriko dizkiola iragarri du Trumpek
Europar Batasuna "AEB izorratzeko asmoz" sortu zela adierazi du eta gaineratu duenez, zergen erabakia "hartuta" dago. Hurrengo egunetan emango ditu xehetasunak, baina, aurreratu duenez, orokorrak izango dira, eta autogintzari eta bestelakoei eragingo diete.
2025/02/26 - 23:19
Bezosek 'The Washington Post' egunkariari "merkatu librearen" aldeko iritziak argitaratzeko agindu dio
"Beste gai batzuk ere landuko ditugu, jakina, baina oinarri horien aurkako ikuspuntuak beste batzuek argitara ditzatela", agindu die handi-mandiak egunkariko langileei. Hedabideko iritzi ataleko buruzagiak kargua utzi du erabaki hori dela eta.
2025/02/26 - 21:53
Gobernuko kide izan ez arren, Elon Muskek Trumpen kabinetearen lehen bileran parte hartu du
AEBko hedabideen arabera, Trumpen taldeko hainbat kide hasiak dira Musken presentzia esku-sartze gisa ikusten. "Ba al da Elonekin pozik ez dagoen inor? Hala bada, hemendik botako dugu", esan du Trumpek, txantxetan.
2025/02/25 - 23:34
Kievek eta Washingtonek Ukrainako baliabide naturalei buruzko akordioa itxi dute
Kievek ez du lortu akordioak aurreikusten dituen onura ekonomikoen truke AEBk idatziz konpromisoa hartzea militarki laguntzen jarraitzeko.
2025/02/23 - 18:59
Zelenski kargua uzteko prest, trukean Ukraina NATOn sartzen bada
Errusiaren inbasioaren hirugarren urteurrena betetzear den honetan, nazioarteko goi-bilera bat egingo dute astelehen honetan Kieven, atzerriko 13 buruzagik presentzialki eta beste 24k telematikoki.
2025/02/21 - 20:10
Steve Bannon Trumpen aholkulari ohiak nazien agurra egin du kontserbadoreen batzar batean
Steve Bannon trumpismoaren ideologo handienetako bat izan zen, eta Trump presidentearen aholkularia bere lehen agintaldian (2017-2021). Kontserbadoreen batzarrean emandako hitzaldian, nazien agurra egin zuen hainbat aldiz.
2025/02/20 - 11:25
Albiste izango dira: Udaltzainen lan eskaintzak, Trumpen lehen hilabetea eta Pirritx, Porrotx eta Marimotots
Gaurkoan albiste izango direnen laburpena, bi hitzetan.
2025/02/20 - 06:00
Trump: munduko ekonomia eta geopolitika hankaz gora jarri dituzten 30 egunak
Donald Trumpen agintaldiko lehen hilabetea erabaki erradikalek markatu dute kanpo eta barne politikan, nazioarteko komunitatearekin izandako gatazketan eta eragin ekonomiko eta sozial handiko politiketan.
2025/02/19 - 18:15
Trumpek Ukrainari leporatu dio "gerra hastea", eta Zelenskiri "diktadore" deitu dio
Zelenskiren ustez, Trump "desinformazio burbuila batean bizi da". Gainera, Ukrainako presidenteak ziurtatu du Washingtonek haren baliabide naturalen erdiarekin geratu nahi duela. Azkenik, Putinek esan du "inork" ez duela Kiev negoziazio prozesutik kanpo utzi nahi.
2025/02/19 - 09:46
AEBk % 25eko muga zergak iragarri ditu autogintza, farmazia eta erdieroaleen industrian, apiriletik aurrera
Dagoeneko Donald Trump AEBko presidenteak % 10eko muga zerga ezarri dio Txinari, eta % 25ekoa, berriz, mundu osoko altzairuaren eta aluminioaren inportazioei.