Ekialde Hurbila
2025/05/20 - 14:36
14.000 haur inguru hilko dira Gazan, hurrengo 48 orduetan giza laguntza sartu ezean
Atzo laguntza humanitarioa zeramaten bost kamioi sartu ziren Gazako Zerrendan, Israelek ezarritako 11 asteko blokeoari amaiera eman ostean. Nazio Batuen Erakundeak baieztatu du astearte honetan 100 kamioi inguru sartzeko baimena eman duela Israelek.
2025/05/15 - 17:29
Israelek gutxienez 115 gazatar hil ditu 24 ordu baino gutxiagoan
Khan Yunisen egin dituzte eraso bortitzenak. Etxebizitzen eta kanpalekuen gainera egin du eraso Israelek bertan, eta 70etik gora hildako eragin, haurrak eta emakumeak, gehien-gehienak.
2025/05/15 - 00:55
Palestinarrak Nakba oroitzen ari dira, eta, bitartean, Israelek Gazaren aurka egiten dituen erasoek etenik ez
Milaka palestinarrek parte hartu dute gaur Zisjordaniako Ramallah hirian Nakba (hondamendia, arabieraz) gogora ekartzeko mobilizazioan. Bien bitartean, Gazan Israelek gutxienez 70 pertsona hil eta dozenaka zauritu ditu azken orduetako erasoetan.
2025/05/13 - 22:55
600.000 euro baino gehiagoko inbertsioak egingo ditu Saudi Arabiak Estatu Batuetan
Iragarpena Ameriketako Estatu Batuetako presidentea Ekialde Hurbilera egiten ari den lau eguneko bidaiaren lehen egunean egin dute. Saudi Arabia ez ezik, Qatar eta Arabiar Emirerri Batuak ere bisitatuko ditu, guztiekin akordio ekonomikoak lortzeko asmoz.
2025/05/12 - 20:20
Edan Alexander soldadu israeldarra askatu du Hamasek
Alexander New Jerseyn (AEB) jaio zen eta Israelgo Armadan ari zen gatibu hartu zutenean. Bere askapena "bitartekariak su-etena lortzeko, mugak irekitzeko eta laguntza Gazan sartzen uzteko egiten ari diren ahaleginen parte" dela berretsi du Hamasek.
2025/05/07 - 21:15
Israelek 100 pertsona baino gehiago hil ditu Gazan, ikastetxeak, merkatu bat eta jatetxe bat bonbardatu ostean
Eraso horietako bat Palmira jatetxe thailandiarretik gertu jazo da, Rimal auzoan, Gaza hirian, eta bestea 20 metro eskasera, merkatu baten ondoan. Hildakoen artean Yahya Sobeih kazetaria dago.
2025/05/06 - 23:11
Trumpen hitzetan, datorren astean "iragarpen garrantzitsua" egingo du Ekialde Hurbilaren inguruan
"Urte askotan egin den iragarpenik garrantzitsuenetako bat izango da", azpimarratu du AEBko presidenteak, xehetasun gehiagorik eman gabe. Saudi Arabiara, Qatarrera eta Arabiar Emirerri Batuetara eramango duen bidaiaren aurretik jakinaraziko du.
2025/05/05 - 23:01
Mikel Ayestaranek Ortega y Gasset saria jaso du Gazan egiten ari den multimedia estalduragatik
ETBko korrespontsalak Kayed Hammed itzultzailearen mezu bat zabaldu du saria jasotzean: "Gazan bonbaz hiltzen ez dena, gosez hiltzen da 2025ean. Guk ondorio bat atera dugu: hobe da misil batengatik hiltzea goseagatik baino, hori da guztia".
2025/05/05 - 22:03
Gazako lurrak okupatzeko plan berri bat onartu du Israelek
Netanyahuk jakinarazi duenez, operazio berrian "gazatarrak lekualdatu egingo ditugu, euren babesagatik". Gainera, laguntza humanitarioa bi hilabetez blokeatuta izan ondoren, Israelek laguntza sartzeko plan bat aurkeztu du, eurek kontrolatuz prozesu guztia. NBE aurka agertu da.
2025/05/04 - 00:28
Ehud Barak Israelgo lehen ministro ohiak desobedientzia zibilerako deia egin du, Netanyahuren aurka
Herritarrei, oposizioari, agintari ekonomikoei, teknologikoei, intelektualei, alkateei, gazte mugimenduei zein kibbutzetako bizilagunei dei egin die "Gobernua erori arte" protesta egiteko.
2025/05/02 - 19:11
Erabateko blokeoa mantentzeaz gain, Israel baratzeak suntsitzen eta arrantzaleak hiltzen ari dela salatu dute
"Milaka pertsona hilko dira blokeoa berehala amaitzen ez bada", ohartarazi dute gobernuz kanpoko erakundeek. Gutxienez 60.000 haurrek desnutrizioa dute dagoeneko Zerrendan, eta dozenaka sukalde komunitario eraso eta itxierara behartu ditu Israelek.
2025/04/30 - 00:20
Smotrichek nahi du "ehunka mila" palestinarrek Gaza uztea, Siria "zatitu" eta Hezbollah "desegin"
Hala adierazi du Israelgo Ekonomia ministroak Zisjordanian egindako hitzaldi batean. "Kanpaina hau amaitu egingo dugu Iranen mehatxu nuklearra amaitu, Gaza garbitu eta gure bahituak etxera itzulitakoan, eta Israel indartsuagoa eta aberatsagoa denean", gaineratu du.
2025/04/27 - 21:39
Israelek Beirut hegoaldea bonbardatu du berriro
Netanyahuk erasoa defendatu du: "Israelek ez dio utziko Hezbollahri indarra hartzen", eta Libanoko presidenteak AEBri eta Frantziari eskatu die Israel erasoak geldiaraztera "behartzeko", su-etenaren bermatzaile gisa.
2025/04/25 - 19:16
Gernikak Auschwitzekin harremana estutu du, eta Steer eta gudariak omendu ditu ekitaldien lehen egunean
Gainera, NBEk konfesio ezberdinetako buruzagi erlijiosoak bildu ditu Bizkaiko hiribilduan, eta ostiral honetan hainbat mahai-inguru egin dituzte adituekin.
2025/04/25 - 00:30
Israelek dagoeneko okupatuta dituen Gazaren inguruko eremuak husteko agindua eman du berriro
Martxoaren 18an Israelek su-etena hautsi zuenetik, 420.000 gazatar baino gehiagok ihes egin behar izan dute indar armatuen erasoen ondorioz, dagoeneko herritarren % 90 desplazatu dituen gatazka armatuan.
2025/04/23 - 18:57
Izquierda Unidak planteatu du Sumar Espainiako Gobernutik ateratzea, Israeli armak erosteagatik
Barne Ministerioak Israelgo Estatuari 15 milioi bala baino gehiago erostea erabaki du, Guardia Zibilarentzat. Antonio Maillo Izquierda Unidako buruzagiak PSOEri leporatu dio Sumarrekin koalizio Gobernuan "krisirik handiena" ireki izana.
2025/04/23 - 00:38
Israelek hondeamakinak eta ura eta zaborra biltzeko kamioiak suntsitu ditu Gazako hainbat tokitan
Defentsa Zibileko lantaldeek gorpuak hondakin artetik ateratzeko eta errepideak garbitzeko erabiltzen zituzten makina horiek. Gazako Defentsa Zibilak salatu duenez, Israel "lan humanitariorako baliabideak suntsitzen ari da".
2025/04/21 - 11:48
AEBko armadak Yemen bonbardatu du berriro, eta gutxienez 12 pertsona hil ditu Sana hiriburuan
Yemengo hainbat probintzia bonbardatu ditu, tartean, hiriburuko merkatu bat. Pasa den ostegunean Hodeida portuaren aurkako egindako bonbardaketatan, gutxienez 80 pertsona hil eta 150 zauritu zituen AEBko Armadak.
2025/04/20 - 00:30
Netanyahuk dio Hamasek uko egin diola bahituen erdiak askatzeko proposamenari eta ez duela men emango
"Uste dut bahituak etxera ekar ditzakegula, amore eman gabe. Hori buruan daukadala jokatu dut orain arte. Misioa oraindik ez da amaitu, eta egiteko asmoa dut. Baina amore eman gabe", nabarmendu du larunbat gauean emititu duten aurrez grabatutako mezu batean.
2025/04/17 - 00:45
Israelgo Armadak onartu du atxilotu palestinarren milaka objektu eta diru pilatu dituela
Hatzlacha erakunde israeldarrak 'Haaretz' egunkariarekin batera aurkeztutako informazio eskaerari erantzunez, Armadak azaldu du atxilotuen "milaka objektu" dituela, dirua barne.