Espainiako gobernua
2025/02/24 - 17:55
Erkidegoei 83.252 milioiko zorra barkatzea proposatu du Moncloak: Andaluzia eta Katalunia, onuradunenak
Tartean ez daude EAE eta Nafarroa, ez baitaude erregimen komuneko sisteman. Datorren asteazkeneko Zerga eta Finantza Politikako Kontseiluan aurkeztuko du proposamena Espainiako Gobernuak.
2025/02/24 - 15:06
Juntsek erretiratu egin du Sanchezek konfiantza galdea egin dezan aurkeztutako proposamena
Francisco Galindo Velez PSOEren eta Juntsen artean bitartekari lana egiten ari den nazioarteko bitartekariak eskaera hori egina zion alderdi independentistari.
2025/02/24 - 13:42
Ukrainarentzat 1.000 milioi euroko laguntza militarra iragarri du Sanchezek
Errusiaren inbasioaren hirugarren urteurrena dela eta Kieven egindako goi-bileran parte hartu du Espainiako Gobernuaren presidenteak. Volodimir Zelenski Ukrainako presidenteak harrera egin dio. "Beharrezkoa den denbora guztian Ukraina laguntzen jarraituko dugu", azpimarratu du Sanchezek.
2025/02/23 - 12:32
PSOEren eta Juntsen arteko nazioarteko bitartekariak konfiantza-galdea erretiratzea eskatu du
Francisco Galindo Velezek eskaera hori egin dio Juntsi, "gaurdaino landu diren gai garrantzitsuenen harira datozen asteetan irekiko den testuingurua" dela eta.
2025/02/22 - 20:42
Emakumezko biologo batek Bermeoko "Albacora 15" atunontzian jazarpena jasan duela salatu du CSICen
Emakumearen testigantzaren arabera, ontziko ofizialek komentario iraingarriak egiten zizkioten: "Emakume batek ez luke itsasontzi batean egon behar, arazoak baino ez dituzue ematen", esate baterako. Salaketa jarri ondoren, Boli Kostan lehorreratu zuten biologoa.
2025/02/21 - 18:26
Eusko Jaurlaritzak osasun sistema hobetzeko neurri "ausartak" proposatuko dizkio Osasun Ministerioari
Osasun sailburuak iragarri duenez, martxoaren 6an "proposamen eta irtenbide ausartak" eztabaidatuko dituzte Ministerioan, bere esanetan, gainerako osasun zerbitzu autonomikoentzat "eredugarri" den Osakidetza hobetzeko.
2025/02/18 - 23:27
Kongresuak atzera bota du "desokupazio enpresak" legez kanpo uzteko ekimena, eta PSOE abstentziora jo du
Eztabaidan, Ione Belarra Podemosen bozeramaileak esan du enpresa horiek "erakunde parapolizial faxistak" direla. "Kolektibo nazi eta paramilitar horiekin amaitzeko" neurriak hartzen ari dela ziurtatu du PSOEk.
2025/02/18 - 15:12
Meteorologia eta atzerritarren lan baimenak Eusko Jaurlaritzari eskualdatzea sinatuko dute otsailaren 28an
Transferentzien Batzorde Mistoa otsailaren 28an bilduko da akordio hori izenpetzeko. Eskualdatzeari buruzko xehetasunak hilaren 28an jakinaraziko dituzte.
2025/02/18 - 14:57
AHTaren Gasteiz-Burgos lotunearen lehen zatiaren lanak hasteari oniritzia eman dio Espainiako Gobernuak
Pancorbo eta Ameyugo Burgosko udalerrien arteko zatia da lizitatu dutena, orografia tarteko, egiten zailenetakoa. Gainerako zatiak 2025ean zehar lizitatuko dituzte.
2025/02/18 - 12:21
Meteorologia eta atzerritarren lan baimenen eskualdaketa onartu dute Jaurlaritzak eta Espainiako gobernuak
Maria Ubarretxena Eusko Jaurlaritzako Autogobernu sailburu eta bozeramaileak gobernu bileraren osteko prentsaurrekoan egin du iragarpena. Nabarmendu duenez, "aurrerapauso bat" eman dute bi gobernuek Gernikako Estatutua betetzeko bidean.
2025/02/17 - 22:33
Sanchezek uste du ''goizegi'' dela bake tropak bidaltzeko, ''oraindik gerran daudelako Ukrainan''
"Oraindik gerran daude Ukrainan, soldaduak daude han, beren herrialdearen independentzia eta segurtasuna eta Europako eredua defendatzen. Oraindik ez da bakerik horretan pentsatzeko", azaldu du Espainiako gobernuburuak.
2025/02/15 - 22:57
Ekonomia ministroa: ''Baikor gaude, Balenciaga ontziolari ahalik eta irtenbiderik onena bilatuko diogulakoan''
PSE-EEk Donostiako Kursaalen egin duen 10. Kongresuan parte hartu aurretik kazetariei egindako adierazpenetan adierazi duenez, "Talgorentzat dugun helburu antzekoarekin ari gara lanean, industria sektore indartsua izan dezagun eta langileak babesteko".
2025/02/15 - 21:47
Balenciagarentzako aterabidea galdegin dute ontziolako langileek Kursaal kanpoan
Ekonomia ministroa euskal sozialisten kongresuan zela aprobetxatu dute Zumaiako enpresarentzako irtenbide instituzionala eskatzeko. Enpresa bideragarria dela nabarmendu dute, lan-zama badagoela, baita erosteko interesatuak ere, eta oraindik garaiz dabiltzala uste dute.
2025/02/15 - 16:26
Talgoren industria-planak plantilla eta instalazioak handitzea ekartzea espero dute sindikatuek
Ribabellosako langileek ziurgabetasun handiz bizi izan dituzte azken asteak. Sidenorrek Talgoren kontrola hartu ostean, azpiegiturak berritzea espero du Kepa Alcaine Talgoko enpresa-batzordeko presidenteak, 4.000 milioi euroko eskaera-zorroari erantzun ahal izateko.
2025/02/15 - 14:46
Ultraeskuinari "Euskadin egiten dituzuen gisako politika aurrerakoiekin" aurre egiteko dei egin du Sanchezek
PSOEko buruzagiaren hitzetan, sozialista izatea "historiaren alde zuzenean egotea da". Eneko Anduezaren arabera, PSE-EE "konplexurik gabeko eta ahots propioa duen alderdia da".
2025/02/15 - 14:18
Talgoren inguruko akordioa ''erakundeen arteko lankidetzaren adibide paregabea da'', Torresen hitzetan
Sidenor buru duen partzuergoa Talgoren akziodun izateko "Espainiako eta Euskadiko enpresen alde bi gobernuek egindako apustu irmoa da", gaineratu du Mikel Torres Bigarren lehendakariorde eta Ekonomia, Lan eta Enplegu sailburuak.
2025/02/14 - 20:06
Talgo Euskadin geratuko da: Sidenorrek hartuko du haren kontrola, azken minutuan eskaintza hobetu eta gero
Sidenorrek, Eusko Jaurlaritzak, BBK-k eta Vital Kutxak osatutako euskal partzuergoak eskaintza hobetu egin behar izan du azken minutuan, akzio bakoitzeko 5 euro eskaintzeko, Trilantic funtsak nahi bezala.
2025/02/14 - 09:05
Albares: ''Merkatu bakarraren alde egin behar badugu, horretarako bitartekoak ditugula erakutsi dugu''
"12 minutos" saioari emandako elkarrizketan Espainiako Atzerri ministro Jose Manuel Albaresek AEBko presidente Donald Trumpi erantzunez esan duenez, "europarrok baliabideak eta borondate politikoa dugu Europako Merkatu Bakarra" defendatzeko.
2025/02/14 - 08:48
Albiste izango dira: Talgo erosteko eskaintzak, Trumpen muga zergak eta Eusko Legebiltzarrak 45 urte
Gaurkoan albiste izango direnen laburpena, bi hitzetan.
2025/02/14 - 08:45
Gaur bukatuko da Talgoren zati bat erosteko eskaintzak egiteko epea: Sidenorrek ditu aukera gehien
Espainiako Gobernuak atzerriko lehiakideak babestuko ez dituela jakinda, PFR Poloniako funtsak eta Indiako Jupiter Wagonsek atzera egin dute, eta, oraingoz, ez dute eskaintzarik egin. Jaurlaritzak nabarmendu duenez, EAEko eskaintza "oso sendoa da", eta akordioa "datozen orduetan" hel daiteke.