Europar Batasuna
2025/03/26 - 08:53
Albiste izango dira: Sanchez, defentsa gastua igotzeaz, Batasunaren Prestaketa Estrategia eta greba hezkuntzan
Gaurkoan albiste izango direnen laburpena, bi hitzetan.
2025/03/26 - 08:04
EBk hornigaiak pilatu ditzaten eskatuko die herritarrei, balizko gerra eta klima-larrialdi bati aurre egiteko
Ursula von der Leyen EBren presidenteak gaur aurkeztuko duen 'Batasunaren Prestaketa Estrategia' izeneko dokumentuaren ildo nagusiak aurreratu ditu 'El Pais' hedabideak. 72 orduan "laguntzarik gabe" egoteko hornigaiak prestatzeko eskatuko zaie herritarrei. Tartean, sendagiak eta elikagaiak.
2025/03/25 - 13:03
Berrarmatzeak gizarte gastuan murrizketa ''ikaragarria'' ekarriko duela ohartarazi du EH Bilduk
Pernando Barrena koalizio subiranistaren europarlamentariak nabarmendu duenez, Europako Batzordearen 'ReArm Europe' plana ez da irtenbidea. Are gehiago, "epe labur eta ertainean arazo larriak eragingo dizkigu gure bizi kalitatean eta zerbitzu publikoetan".
2025/03/25 - 12:59
17 urtetik gorako gazteek Europar Batasunean gidatu ahal izango dute, eskarmentua duen heldu batek lagunduta
Europar Kontseiluak (27 estatuen buru guztien batzarra) eta Europako Parlamentuak akordioa lortu dute gidabaimenaren gaineko arauak berritzeko. Horren arabera, kamioilari izan nahi dutenek 17 urterekin atera ahal izango dute baimena, eta gidatzen hasi, lehen urtean, heldu batek lagunduta.
2025/03/20 - 21:04
EBk muga-zergen aurkako neurrien aplikazioa atzeratu du AEBekin negoziatzeko
Horrela, Europako Batzordeak lehenengo neurrien aplikazioa apirilaren erdialdera arte atzeratzea erabaki du. Bestalde, EBZk ohartarazi du muga-zergek eta horien aurkako errepresaliek hazkundea murriztu eta inflazioa igo dezaketela.
2025/03/18 - 08:40
Albiste izango dira: Su-etena hautsi du Israelek, Europaren berrarmatzea eta Trump-Putin negoziazioak
Gaurkoan albiste izango direnen laburpena, bi hitzetan.
2025/03/17 - 11:51
Brusela lantzen ari den egur-tximinia eta -berogailuen araudiak kezka sortu du ekoizleen artean eta gizartean
Karbono emisioak gutxitu asmoz, egur-tximinia eta -berogailuei eragiten dien araudia aldatu nahi du, baina ekozleak kexu dira, gaur egun ez baitago proposatutako muga horiek betetzen duen gailurik merkatuan. Zer proposatzen du araudi berriak?
2025/03/17 - 11:12
''Merkatuan dauden gailuen % 90ek ez lukete beteko Bruselak planteatutako araua''
Europako Batzordeak egur-tximinia eta berogailuen isurtzen duten kutsadura murrizteko egin duen proposamenak alarma piztu badu ere, Chimeneas Suberriko Izaskun Furundarenak nabarmendu momentuz ez dagoela debeku ofizialik, eta zirriborro bat baino ez dagoela mahai gainean.
2025/03/16 - 18:25
EBko Atzerri ministroek bilera dute astelehen honetan Ukrainari eta Siriari buruz eztabaidatzeko
Ukrainako Atzerri ministro Andri Sibigak bideokonferentzia bidez hartuko du hitza. Herrialdean jazotako azken gertaerei buruz, eta Kievek dituen "premiazko" beharrizainen inguruan —tartean laguntza militarra— arituko da.
2025/03/16 - 09:01
Milaka pertsona elkartu dira Erroman Europar Batasunaren eta Ukrainaren alde
Michele Serra kazetari eta idazleak egunkari batean egindako deialdiari jarraituz, Italia osoko eta atzerriko herritarrak eta ordezkari politikoak elkartu dira EBren jatorrizko balioak aldarrikatzeko, siglarik gabeko manifestazio batean.
2025/03/15 - 17:20
Europako agintari militarrek bilera egingo dute ostegunean Ukrainari buruzko "fase eraginkor bat" hasteko
Starmerrek biltzeko deia egin dio Ukrainako gerraren amaierarekin konprometitutako eta AEBko presidente Donald Trumpek Etxe Zuritik piztutako zurrunbilo diplomatikoari aurre egiteko sortutako "Boluntarioen Koalizioa"ri.
2025/03/13 - 20:54
Trumpek EBko ardoari eta beste edari alkoholiko batzuei % 200eko muga-zerga jartzeko mehatxua egin du
AEBko presidenteak EBri leporatu dio mundu mailako entitate fiskal eta arantzelario erasokor eta kaltegarrienetako bat izatea.
2025/03/12 - 20:43
EBk AEBko muga-zergei emandako erantzunaren gakoak: bi fase eta produktuen bi zerrenda
Europako Batzordeak esan du "kontu handiz neurtu" duela bere erantzuna, eta bi fasetan iritsiko dela, Washingtonekin irtenbide negoziatu bat bilatzen jarraitzen duen bitartean.
2025/03/12 - 18:08
Errusiak gatazkaren "arrazoi sakonei" heldu nahi die Ukrainarekin bakea adosteko
Sergey Lavrov Errusiako Atzerri ministroak kritikatu duenez, Europako estatuak Ukrainan "bake indarrak zabaltzearekin tematuta daude”. "Hori ez da gerrari amaiera emateko behar dena", ohartarazi du.
2025/03/11 - 23:43
Bruselak Meloniren deportazio-eredua imitatzeko legedia ezar dezan proposatu die Europako gobernuei
Hala ere, Europako Batzordeak ezartzen du pertsona migratzaileak ez direla Europar Batasunetik kanpo izango diren zentro horietara eramango, behin betiko kanporatzeko agindua eman arte.
2025/03/11 - 16:55
Zer paper jokatzen du Starlink sareak Ukrainan? Ba al du Europak alternatibarik?
Elon Muskek asteburuan ohartarazi zuenez, Starlink satelite-sistema itzaliko balu Ukrainan, "gerra-fronte osoa kolapsatuko litzaioke" Kievi. Horrek eztabaida sortu du Europar Batasunean, AEBko enpresa ordezka dezakeenik ote dagoen.
2025/03/11 - 13:17
Jauregiren ustez, EAEk "ahalmen industrial eta teknologikoa" eman ahal dio Europa berrarmatzeko planari
Eusko Jaurlaritzako Industria, Trantsizio Energetiko eta Jasangarritasuneko sailburuaren arabera, Euskadik "muskulua eta ahalmena" du ziberzaintza sektorean eta arlo horretan ekarpena egin diezaioke EAEko industriak.
2025/03/10 - 11:18
Alemaniako 13 aireportutan deitutako grebak 3.400 hegaldi utzi ditu bertan behera
Lanuzteak aireportu hauetan izango du eragina: Munich, Stuttgart, Kolonia/Bonn, Düsseldorf, Dortmund, Hannover, Bremen, Hanburgo, Berlin-Brandenburgo, Leipzig-Halle eta Frankfurt. Imanol Pradales lehendakariak geldialdia egin behar zuen Alemanian, baina azkenean Zurichetik abiatu da AEBra.
2025/03/09 - 17:51
Europaren defentsak 27en ardura izan behar duela eta AEBk aliatu izan behar duela esan du Von der Leyenek
Bere agintaldiko lehen 100 egunen harira emandako hitzaldian, Europako Batzordeko presidenteak egungo defentsa eredua aldatzeko beharra defendatu du. Bestalde, asteartean aurkeztuko duten migrazio proposamen berriari buruz esan du areagotu egingo dituztela legez kanpoko migratzaileen kanporatzeak.
2025/03/07 - 09:03
Sanchezek iragarri du 2029a baino lehen Espainiak BPGaren % 2 bideratuko duela defentsa gastura
Berez, EBk urte horretarako jarri zuen helburua, baina horren aurretik egingo dutela nabarmendu du Espainiako Gobernuko presidenteak. Dena dela, ez du zehaztu datarik edo bestelako portzentajerik. Sanchezen hitzetan, "gehiago eta hobeto" inbertitu behar da defentsan.