EAEko Aurrekontuak 2024, Euskadiko Aurrekontuak, azken ordukoa, gaur |Orain

2024/12/12 - 12:15

Eusko Jaurlaritzaren aurrekontuen negoziazioan "itxurakeriaz" jardun izana egotzi dio Anduezak EH Bilduri

PSE-EEren idazkari nagusiak onartu du EH Bildurekin aurrekontuen inguruko akordioa lortzea espero zuela, baina ezetz esatea ere aurreikusi zitekeela.

2024/12/12 - 11:49

Andueza: ''Aurrekontuei dagokionean, EH Bilduk itxurakeriaz jardun du, errealismo politikoz baino gehiago''

Eneko Anduezaren (PSE-EE) esanetan, EH Bilduk Jaurlaritzaren azken proposamenari ezetz esatea "amaiera" izan da, aurreikus zitekeena, bide batez, "ez baitzuten onartzen lanbide arteko gutxieneko soldatari buruzko guztia elkarrizketa sozialaren mahaian lantzea. ELAren presoak direlako".

2024/12/12 - 10:54

Iriarte: ''Euskal jendartearen bi arazo potolori aurre egiteari Gobernuak esan dio ezetz''

Maddalen Iriarteren (EH Bildu) hitzetan, Gobernuena da aurrekontuak aurrera ateratzeko ardura eta horiek hobetzeko ardura, eta EH Bilduk egindako bi proposamen sendoei (gutxieneko soldata eta etxebizitza) uko eginda, Jaurlaritzak "muzin egin dio egun ditugun bi arazo potolori aurre egiteari".

2024/12/12 - 10:47

Maddalen Iriarte: "Gobernuak esan die ezetz EH Bilduren bi proposamenei"

Batzar Nagusietako EH Bilduren bozeramaileak gogorarazi du gobernuena dela aurrekontuak ateratzeko eta aurrekontuetara jende gehiago biltzeko ardura.

2024/12/12 - 10:21

Zupiria, aurrekontuez: ''Ez da izango Jaurlaritza eta EH Bilduren arteko akordiorik''

Bingen Zupiria Segurtasun sailburuak jakinarazi duenez, EH Bilduk ez du onartu Jaurlaritzaren azken proposamena eta, horrenbestez, 2025eko aurrekontuak Eusko Jaurlaritzako bi gobernukideen aldeko botoarekin aterako dira aurrera, oposizioaren babesik gabe.

2024/12/12 - 10:04

Zupiria: ''Goizaldean EH Bilduk ezezkoa eman dio Jaurlaritzak egindako aurrekontuen azken proposamenari''

Eusko Jaurlaritzak itxitzat eman du datorren urteko aurrekontuak adosten ahalegintzeko asmoz EH Bildurekin zabalik zuen negoziazioa, koalizio subiranistak gauerdian ezezkoa eman ondotik EAJ-PSE koalizioak egindako azken proposamenari.

2024/12/12 - 08:35

Jaurlaritzak etxebizitzarako 100 milioi euroko partida eskaini dio EH Bilduri lau urterako

Partida gehigarria alokairu sozialeko etxebizitzak sustatzeko bideratuko litzateke. Halaber, etxebizitza foroa martxan jartzea eta udalek parte hartze handiagoa izatea proposatzen da. Legebiltzarrak gaur bozkatuko ditu proiektuari aurkeztutako zuzenketa partzialak.

2024/12/10 - 14:48

Eusko Legebiltzarrak atzera bota ditu PPk, Sumarrek eta Voxek aurrekontuei aurkeztutako osoko zuzenketak

Aurreikusita bezala, osoko zuzenketek ez dute aurrera egin: EAJk eta PSE-EEk kontra bozkatu dute eta EH Bildu abstenitu egin da. Ezarritako egutegiaren arabera, abenduaren 20rako deituta dagoen osoko bilkuran onartuko dira kontuak.

2024/12/10 - 11:33

D'Anjou: 'EH Bildu oso urrun zegoen eta gure aurrekontu proiektura hurbildu da'

Noël D'Anjou Ogasun eta Finantza sailburuak azaldu duenez, bere saila lanean ari da EH Bildurekin 2025eko aurrekontuen zuzenketa partzialak adosteko, eta txalotu egin du koalizio soberanistak jarrera "maximalistak" alde batera utzi eta "errealismoa besarkatzea".

investidura-pleno inbestidura osoko bilkura parlamento-legebiltzarra

2024/12/10 - 09:00

Jaurlaritzaren aurrekontuei PPk, Sumarrek eta Voxek aurkeztutako osoko zuzenketak eztabaidagai Legebiltzarrean

Ezusterik ezean, atzera botako dituzte denak. Etzi, zuzenketa partzialen txanda izango da, eta ingurumari horretan, zabalik dute oraindik negoziazioa EH Bilduk eta Jaurlaritza osatzen duten bi alderdiek (EAJ eta PSE-EE).

2024/12/10 - 08:52

Albiste izango dira: Abisua izotzagatik, EAEko aurrekontuen eztabaida eta EITB Maratoiaren atzerako kontua

Gaurkoan albiste izango direnen laburpena, bi hitzetan.

2024/12/05 - 10:58

EH Bilduk bere proposamen nagusiei eutsiko die aurrekontuen negoziazioan, baina ''irekita'' dagoela dio

Etxebizitza politika aldatzea eta lanbide arteko gutxieneko soldata propioa ezartzeko akordio politikoa jarri ditu erdigunean Pello Otxandiano EH Bilduren Legebiltzarreko eledunak. Gaur dute bigarren bilera Eusko Jaurlaritzarekin, datorren urteko kontuak negoziatzeko. Diskrezioa eskatu du.

2024/12/04 - 14:38

Jaurlaritzak ez du baztertzen EH Bildurekin aurrekontuak adostea, baina Etxebizitzan jarrerak urrun daude

Imanol Pradales lehendakariaren arabera, bi eredu defendatzen dituztelako "oinarrian aldeak" daude bi alderdien artean. Halaber, aurrekontu akordiorik ez badago, zail ikusten du herri itun garrantzitsuak lortzea.

20241203102140_arnaldo-otegi-aurrekontuak_

2024/12/03 - 11:31

Gutxieneko soldataren inguruan ''gerturatze'' bat dagoela adierazi du Otegik, ez, ordea, etxebizitza gaietan

Arnaldo Otegiren arabera, aurrekontu proiektuaren inguruko negoziazioetan ez dago, oraingoz, Eusko Jaurlaritzaren eta EH Bilduren arteko akordiorik. Gutxieneko soldataren inguruan "gerturatze" bat egon dela adierazi du; salatu du etxebizitza gaietan "anbizio gutxiko planteamendua" egin duela.

2024/12/01 - 11:00