Trafiko Istripuak
2025/01/15 - 19:00
Zazpi pertsona zauritu dira Gasteizen, tranbiak eta mikrobus batek elkarren kontra talka eginda
Florida eta Salburua arteko tranbiaren zerbitzua hiru orduz geldituta egon da eta arratsalde erdian jarri dute martxan berriro.
2025/01/15 - 17:39
Gutxienez zazpi pertsona zauritu dira Gasteizen, tranbia batek eta mikrobus batek talka eginda
Istripua 14:15 aldera gertatu da, Salburuako bulebarraren eta Varsovia hiribidearen arteko elkargunean, La Union eta Nikosia geralekuen artean. Ikertzen ari diren arrazoiak tarteko, bi garraiobideek talka egin dute.
2025/01/11 - 22:04
Duela urtebete Jundizen hildako gazteak omendu dituzte senide eta lagunek
18 eta 21 urteko bi gazte hil ziren duela urtebete auto-istripuz Jundizko industrialdean, Gasteizen, legez kanpoko auto-lasterketa bat egiten ari zela, lasterketako auto batek eurena jota. Elkarretaratzea egin dute gaur Cristian eta Izaroren lagunek istripuaren lekuan, eta justizia eskatu dute.
2025/01/11 - 15:30
Legez kanpoko auto-lasterketak ekiditeko kamerak jarriko dituzte aste honetan Jundizko industrialdean
Urtebete da 18 eta 21 urteko gazte bi han bertan hil zirela, legez kanpoko lasterketa batean parte hartzen ari zen auto batek horrekin loturarik ez zuen beste baten aurka talka egin ostean. Hiru gidari daude inputatuta, ausarkeriaz gidatzea eta arduragabekeriazko homizidioa leporatuta.
2025/01/10 - 14:15
Goiz beltza Nafarroako errepideetan: hiru pertsona hil dira Itzan eta Berriobeitin izandako istripu banatan
Bi pertsona Berriobeitiko Añezkar kontzejuan goizean goiz izandako ezbehar batean zendu dira. Beste biktimak Itzan (Iruñetik gertu) galdu du bizia: haren autoa bidetik irten eta erre egin da.
2025/01/09 - 20:08
AP-8 autobidean ilara luzeak daude Astigarragan, hainbat kamioiren arteko istripu baten ondorioz
Hiru kamioik istripua izan dute AP-8an, Astigarraga parean, eta pertsona bat arin zauritu da. Ondorioz, errepidea itxi egin behar izan dute Irungo noranzkoan. Une honetan, erreietako bat irekita dagoen arren, auto-ilarek bere horretan jarraitzen dute.
2025/01/09 - 19:50
Bi errei zabalik AP-8an Astigarragan, kamioi istripu bat tarteko, hiru ordu baino gehiagoz itxita egon ostean
15:00ak pasatxo zirenean hiru kamioiren arteko istripua izan da eta kamioietako bateko gidaria zauritu egin da, arin. Erregaia isuri da eta 18:30ak pasa zirenean erreietako bat zabaldu ahal izan dute; 19:30 inguruan bigarren bat. 6-7 kilometrokoak dira ilarak 20:00etan.
2025/01/09 - 14:36
Zabaldu dute A-15 autobidea Villabona parean, kamioi baten matxurarengatik ia ordubetez itxita egon ondoren
12:30 aldera geratu da ibilgailua ez atzera ez aurrera, eta bi kilometro inguruko auto-ilarak eragin ditu.
2025/01/06 - 22:50
Emakume bat hil da Baionan, Trambus batek harrapatuta
Mayou zubian izan da harrapaketa, eta, istripua izan ondoren, zubia itxita egon da zenbait orduz, Jendarmeriak ikerketa-lanak egiteko.
2025/01/06 - 21:53
Ireki dute A-15 errepidea Berastegin, Donostiarako noranzkoan
19:00ak baino lehentxeago, auto bat irauli da errepidean eta bi lagun zauritu dira. Ertzaintzak zirkulazioa moztu du Donostia aldera, baina egoera bere onera etorri da 20:45 alderako.
2025/01/05 - 19:53
48 pertsona hil dira Hego Euskal Herriko hiriarteko bideetan 2024an
Espainiako Trafikoko Zuzendaritza Nagusiak (DGT) argitaratutako txosten baten arabera, 19 lagun hil ziren Nafarroako hiriarteko bideetan, 15 Gipuzkoan, 9 Bizkaian eta 5 Araban.
2025/01/04 - 20:48
Arinduz doa trafikoa AP-8an, Biriatun
Auto-pilaketek auto eta kamioiei eragin diete. 4 kilometrokoak ziren 19:45ean.
2025/01/04 - 18:19
69 urteko gidari bat zauritu da San Adrianen, errepidetik atera eta zuhaitz baten kontra talka eginda
Ezbeharra 10:47an jazo da, eta zauritua Nafarroako Ospitalera eraman dute, hainbat kolpe baitzituen.
2025/01/04 - 11:46
AP-8 autobidea guztiz ireki dute Deban, ostiraleko gorabeheren ostean
Zisterna-kamioi bat iraultzeak trafiko arazo handiak eragin ditu inguru horretan, eta zirkulazioa erabat etenda egon da zenbait orduz.
2025/01/04 - 11:32
Gizonezko bat hil da AP-68an, Erriberagoitian, auto-istripuz
Ibilgailuak erdibitzailea jo du, argitzeke dauden arrazoiak direla medio. Trafikoa erabat eten dute bi noranzkoetan une batez.
2025/01/04 - 10:42
Gutxienez 12 pertsona hil eta 30 zauritu dira Kolonbian, autobus bat amildegi batetik behera erorita
Cali eta Ipiales arteko bidea egiten ari zen, 42 bidaiari zeramatzala, eta Las Lajasko santutegia zuen helmuga, 2.900 metrora.
2025/01/03 - 21:24
Haserrea eta etsipena zisterna-kamioi batek istripua izan eta AP-8an harrapatuta geratu direnen artean
Kamioiak istripua izan du Itziarko tunelaren irteeran, eta, ondorioz, AP-8 autobidea itxi behar izan dute. Ezbeharra 08:00ak aldera gertatu da, eta 18:30ean errei bat ireki dute noranzko bakoitzean.
2025/01/03 - 14:55
AP-8ko bi errei berriro ireki dituzte Deban, noranzko bakoitzeko bat, zisterna-kamioi bat irauli ondoren
Gipuzkoako Foru Aldundiak jakitera eman duenez, 18:30ean, errei bat ireki dute noranzko bakoitzean, "errei motela", "larunbat honetan erdibitzailea konpontzen amaitu arte". Horregatik, barruko erreiak itxita daude.
2025/01/03 - 13:31
Auto-ilara luzeak AP-8an, Deba parean, kamioi bat irauli ostean
Trafikoa bigarren mailako errepide horretatik bideratzen ari dira, eta ondorioz, pilaketa handiak sortu dira bi noranzkoetan. Luze joko du, ibilgailua bidetik kentzeko garabi berezi bat behar delako. Kamioilaria Mendaroko Ospitalera eraman dute, zaurituta.
2024/12/31 - 14:23
Trafiko-istripuek 37 hildako eragin dituzte 2024an EAEn, 2023an baino 7 gutxiago
Istripu, zauritu larri eta hildakoen kopuruak behera egin du 2024an EAEko errepideetan, Segurtasun Sailak astearte honetan Bilbon aurkeztutako balantzearen arabera.