Eusko Jaurlaritzak 506 etxebizitza erosi ditu, alokairuko parke publikoan kudeatzeko
Eusko Jaurlaritzak 506 etxebizitza erosi zituen iaz, funtsen, aurrekontu-soberakinen eta Finantza Inbertsio Iraunkorren tresnaren bidez. Erosketa horiei gehitu behar zaizkie Jaurlaritzak zuzenean edo Visesa sozietate publikoarekin egindako kontratu-programaren bidez egindako erosketak, eta Alokabidek sozietate publikoak kudeatzen duen alokairu-parke publikora bideratuko dira.
Erositako etxebizitza batzuk amaituta daude jada, eta berehala eskainiko dira Alokabidek kudeatzen duen gizarte alokairuko parke publikoaren baitan. Alabaina, gehienak, amaitu gabe daude, Etxebizitza Sailak ohar baten bidez jakinarazi duenez.
Aurrekontu programa arruntetik kanpoko inbertsioaren zenbatekoa 50,1 milioi euro da. Ia erosketa gehienak Visesa sozietate publikoarekin formalizatu dira, eta beste eragiketa batzuk sustatzaile pribatuekin eta SAREB sozietatearekin hitzartu dira. Alokairuan babestutako etxebizitzetarako indarrean dagoen moduluaren prezio berean edo baxuagoan egin dira erosketa guztiak.
Ohiz kanpoko moduan erositako 506 etxebizitza horiez gain, Etxebizitza Sailak aurreikusita zuen 2019an 600 pisu eta zuzkidura-bizitoki eskuratzea ekitaldiko aurrekontu-programazioaren barruan, zuzenean edo Visesak eginiko sustapenen bidez, bai eta beste 900 etxebizitza ere, 2019an Bizigune eta ASAP programek hutsik dauden etxebizitzak mobilizatzeko programen bidez eskuratutakoak.
Erosketak
Erosketa-eragiketen banaketa honako hau da: babes ofizialeko 70 etxebizitza Donostiako Morlans auzoan (eraikita), 4,9 milioi euroan; babes ofizialeko 32 etxebizitza Santurtzin (eraikitzen), 4,5 milioi euroan; 84 gizarte etxebizitzaren aurrerakina Ortuellan (eraikitzen), 2,4 milioi euroan; babes ofizialeko 52 etxebizitza Sestaon (eraikitzen), 7,6 milioi euroan; babes ofizialeko 26 etxebizitza Mungian eta 52 Zornotzan (amaituta), 9,5 milioi euroan; SAREBen jabetzako bederatzi etxebizitza libre zenbait udalerritan, 742.000 euroan; babes ofizialeko 36 etxebizitza Legution (eraikitzen), 3,8 milioi euroan; hiru etxebizitza Bermeon (amaituta), 345.635 euroan; 91 gizarte etxebizitza Getxon (eraikitzen), 8,2 milioi euroan, eta babes ofizialeko 51 etxebizitza Arrasaten (lizitazioan), 7,8 milioi euroan.
Modu honetan, 506 etxebizitza horiek sartzeko daudela, une honetan Alokabide sozietate publikoaren jabetzako etxebizitza parkeak 4.397 pisu ditu. Gainera, Etxebizitza Sailak beste 3.414 etxebizitza ditu, Alokabidek kudeatzen dituenak. Beraz, Eusko Jaurlaritzaren jabetzako alokairuko parke publikoa 7.811 etxebizitzakoa da.
Horiez gain, Bizigune programaren bidez etxebizitzak hutsik zituzten jabe pribatuei hartutako 6.000 pisu baino gehiago daude eta, hala, Alokabidek kudeatzen duen alokairu publikoaren eskaintza 14.200 etxebizitzakoa da egun.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.