Ia industria osoak gutxieneko jarduera manten dezakeela uste du Eusko Jaurlaritzak
Eusko Jaurlaritzaren ustez, ia industria ia osoak gutxieneko jarduera mantendu ahal izango du Euskadin, Espainiako Gobernuak funtsezkoa ez den jarduera ekonomiko guztia bertan behera uzten duen Lege-dekretuaren inguruko azalpenak eman ondoren. Atzo bertan, Jaurlaritzak testu bat zabaldu zuen, eta, idatzian, aipatutako Errege Dekretuaren arabera bere jarduerarekin jarrai dezaketen enpresak argitzen ziren.
Eusko Jaurlaritzak gutxieneko jarduera bati eusteko beharra nabarmendu du azken egunotan, betiere langileen osasun eta segurtasun-baldintzak bermatuz, eta, horregatik, lege-dekretu hori Euskadiren ezaugarri propioetara egokitzeko eskatzen zuen, pisu industrial handia duen autonomia erkidegoa dela iritzita.
Horren aurrean, funtsezkotzat jo diren jardueretarako ezinbestekotzat jo daitezkeen eta, beraz, gutxieneko jarduera manten dezaketen sektoreen zerrenda bat prestatu da.
Gainera, Errege Dekretuaren 4. artikuluak gutxieneko jarduera baterako aukera zabalik uzten du, eta, beraz, eskariren bat entregatu behar duten edo, adibidez, mantentze-lanak egin behar dituzten enpresentzat posible izango litzateke jarduerarekin jarraitzea.
Alabaina, enpresa horien jarduera ezin da erabatekoa izan, eta zerbitzu minimora mugatu behar dute ekoizpena, etorkizunean jarraipena bermatu ahal izateko. Oraingoz, ez dute argi ezarri noraino irits daitekeen gutxieneko jarduera hori, eta, horregatik, Jaurlaritzak uste du enpresa bakoitzak bere egoera aztertu beharko duela, eta, horren arabera, bere "ezinbesteko gutxienekoa" zehaztu, jarduera eginkizun horretara egokitu ahal izateko.
Dena dela, Eusko Jaurlaritzak adierazi du oso zaila dela nolabaiteko jarduerari eutsi ahal izango dioten enpresen kopurua zenbatzea, eta ia industria osoak Euskadin egin ahal izango duela uste du. Eraikuntza gutxieneko jarduera horri eusteko aukeratik kanpo geratuko litzateke, larrialdietako obren kasuan izan ezik.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.