Hego Euskal Herriko milaka pentsiodunek mobilizazioei eusten diete
Milaka pentsiodunek manifestazioak egin dituzte Hego Euskal Herriko lau hiriburuetan eta 30 bat udalerritan, "pentsio publiko duin, bidezko eta nahikoak" bermatzea eskatzeko. "Pentsiodunei bakarrik ez, datozen belaunaldiei" eragiten dien arazo baten aurrean, pandemiaren "aitzakiarekin" ez dute neurririk hartzen, ohartarazi dutenez.
Araba, Bizkaia, Gipuzkoa eta Nafarroako pentsiodunen mugimenduek manifestazioak egin dituzte lau hiriburuetan, Espainiako Gobernuri, "atzerapen gehiagorik gabe", 2010eko eta 2012ko lan erreformak indargabetzea eta 2011ko eta 2013ko pentsioen murrizketak bertan behera uztea eskatzeko.
Euskal Herriko Eskubide Sozialen Kartak, Babestuk, ikasleen sindikatuek, elkarte feministek eta ELA, LAB, ESK, CGT, CNT, Steilas, Etxalde eta HIRU sindikatuek mobilizazioekin bat egin dute.
Bilbon, protesta 12:00ak aldera abiatu da Moyua plazatik, 'Pentsio publiko duinak' lelopean. Manifestazioa udaletxearen aurrean bukatu da, eta adierazpen bat irakurri dute bertan. "Kongresuak Toledoko Itunaren gomendioak berretsi ondoren, iragarritako murrizketa berriak", errefusatu dituzte.
Manifestazioa Iruñean. Argazkia: EFE
"Borrokari esker" pentsio sistema publikoaren inguruko gezur handiak "agerian" utzi dituzte pentsiodunek, goraipatu dutenez.
Gainera, 1080 euroko gutxieneko pentsioa aldarrikatu dute berriro, baita bizitza kostuaren arabera automatikoki pentsioen balioa handitzea, 1200 euroko gutxieneko soldata, eta pentsio funts eta plan pribatuei zerga-arintzea kentzea ere.
Jon Fano mugimenduko bozeramaileak ohartarazi duenez, pentsioen panorama "oso kezkagarria" da, nahiz eta hiru urte protestan eman eta orain arte "aurrerapauso txikiak erdietsi".
"Benetako arazoek jarraitzen dute, are gehiago, pandemia garaian, neurri seriorik ez hartzeko aitzakia bezala erabiltzen ari direlako", kritikatu du. Aldi berean, berreraikuntzarako funtsak bereganatu ahal izateko, Bruselak gastu sozialak murriztea eskatzea eta "presioa" egitea salatu du Fanok. "Tristeena da, Estatuko Gobernuaren gehiengoak presioen aurrean men egin duela", erantsi duenez.
Bestalde, aste honetan onartutako EAEko aurrekontuak kritikatu ditu, pentsiodunen eskaerak jasotzen ez dituztelako; izan ere, Jaurlaritzak "pentsioak 1080 eurora arte osatzeko gaitasun legala du".
"Ez dago beste erantzun aukerarik, eta egoera zuzentzeko modu bakarra gure mobilizazioak biderkatzea da", nabarmendu du.
Pentsioen arazoak ez die bakarrik egungo pentsiodunei eragiten, "datozen belaunaldiei baizik", ohartarazi duenez. "Guri murrizketa gehiago aplikatzea posible da, baina hartzen ari diren neurriak etorkizuneko pentsiodunak modu basatian zergapetuko ditu", errepikatu du.
Horregatik, emakumeen eta gazteen kolektiboekin batera lan egitearen aldeko apustua egin du, arazoari aurre egiteko. "Inor ez dezala zalantza izpirik izan, nahiz eta pandemian murgilduta egon, ez gara astelehen bakar bat ere geldituko", azpimarratu du.
Manifestazioa Iruñean. Argazkia: EFE
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.