Mutualitateek eta enpresek txertaketan laguntzeko hitzarmen bat iragarri du Escrivak
Gizarte Segurantza lankidetza-hitzarmena prestatzen ari da CEOE Fundazioarekin eta lan-istripuen mutualitateekin, azken horien gaitasun logistikoak eta osasun-langileak autonomia-erkidegoen eskura jartzeko, datozen hilabeteetan txertaketan lagun dezaten.
Hala azaldu du astelehen honetan Jose Luis Escriva Inklusio, Gizarte Segurantza eta Migrazio ministroak Antena3 telebista katean egin dioten elkarrizketan. Horren hitzetan, lan-istripuen mutualitateek "osasun-langileak eta tokiko langileak dituzte, eta autonomia-erkidegoetako osasun-agintarien esku jar litezke, egoki baderitzote".
Gainera, txertaketa prozesuan laguntzeko aukera hori "enpresa eremuari lotuta" ere egon daitekeela gaineratu du.
Ministroak uste du txertoen erosketa zentralizatua ondo ari dela funtzionatzen, eta baztertu egin du finantziazio arazorik edo atzerapenik egotea; are gehiago, "udan % 70 horretara eramaten gaituen egutegia bete egingo da", adierazi du. Horregatik, horrelakoak zabaldu eta "herritarrei ziurgabetasuna eragitea arduragabekeria" dela uste du.
Aldi baterako lan-erregulazio espedienteen luzapena ere izan du hizpide. Egungo baldintzak maiatzaren 31n amaitzen dira, eta Escrivak "3 edo 4 hilabetez" (udara arte) luzatzearen alde egin du.
Gizarteratze ministroak luzatze horren harian azpimarratu duenez, hobari handiagoak eman behar zaizkie jarduera berreskuratu duten eta langileak aldi baterako erregulaziotik atera dituzten enpresei.
Errekuperazio, eraldaketa eta erresilientzia planari dagokionez, Escrivak esan du hil honetan onartuko dutela Ministro Kontseiluan.
Bizitzeko gutxieneko diru-sarrerak emateko erritmoaz, berriz, esan du hilabete honetan 300.000 onuradun izatea espero duela, eta, beraz, 700.000 pertsona inguru izatea.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.