Gipuzkoako Aldundia abelburuei eragiten dien GHE gaitzari aurre egiteko laguntza gehiago aztertzen ari da
Behien gaixotasun hemorragiko epizootikoaren eragina azkar batean zabaltzen ari da Gipuzkoan, eta gaur batzartu dira Foru Aldundia, albaitariak eta sektoreko ordezkariak egoera aztertzeko. Orain arte gaixotasuna sendatzeko botiken gastuak bere gain hartu ditu Aldundiak; ez, ordea, albaitarien irteerak edo bestelako gastu-ordainak.
Aldundiak neurri berriak hartzeko prestutasuna erakutsi du, nahiz eta ez duen neurri horiek zeintzuk izango diren aurreratu, eta beste bilera bat deitu du datorren asterako.
Kasuak Gipuzkoa osora zabaldu dira. Mikel Azpiri Nekazaritzako eta Abeltzaintzako Sustapen eta Osasun Zerbitzuburuak Euskadi Irratiko "Faktoria" saioan azaldu duenez, gaitza oso azkar ari da hedatzen, eta, bildutako azken datuen arabera, 278 kasu dituzte baieztatuta 132 ustiapenetan. Hildako abelburuak 14 izan dira, baina Aldundiak uste du benetako kopurua askoz handiagoa izan daitekeela.
EHNE sindikatutik, Garikoitz Nazabalek kalte ordainak eskatu ditu, galerak izaten ari diren abeltzainentzat. Eta informazio gardenaren premia ere azpimarratu du.
Sindikatutik, gainera, Eusko Jaurlaritzari eskatu diote hiru lurraldeetan irizpide berak hartzeko; izan ere, gaitzak gogorren Gipuzkoan jo badu ere, ez da baztertzen Bizkaira eta Arabara ere zabaltzea.
Behi-haziendari eragiten dion Gaixotasun Hemorragiko Epizootikoa (GHE) berria da, eta abeltzaintzaren sektorearentzat beste kolpe bat izan dela aitortu dute. Abeltzainek zenbatu ezin diren kalteez hitz egiten dute, hala nola txahalen galeraz edo abeltzainek behiak ez deshidratatzen eta zaintzeko egin beharreko gehiegizko ahaleginaz. EHNEk uste du, laguntzarik ezean, ustiategi askorentzat hondamendia izango dela.
Abelburu askok sintomarik gabe pasatzen badute ere, badaude gaizki pasatzen dutenak, baita hiltzen direnak ere.
Culicoides generoko bektoreek transmititzen dute, eta ez die pertsonei eragiten, ezta haragiaren kalitateari ere. Albaitariek diote gutxi dagoela egiteko, eta ezinbestekoa dela aziendaren gainean egon eta ondo ikuskatzea.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.