Hego Euskal Herrian 6.723 etxebizitza turistiko daude, duela urtebete baino 1.134 gehiago
Espainiako Estatuak 351.389 etxebizitza turistiko zituen otsaila amaieran, eta horietatik 6.723 Hego Euskal Herrian zeuden, 5.140 Euskal Autonomia Erkidegoan (EAE) eta 1.583 Nafarroan, Estatistikako Institutu Nazionalak (INE) argitaratutako azken datuen arabera.
EAEn dauden 5.140 etxe turistikoetatik, duela urtebete baino 787 gehiago, 2.611 Bizkaian daude, 1.183 Gipuzkoan eta 346 Araban. Foru erkidegoan, aldiz, 1.583 pisu turistiko dira, iaz baino 347 gehiago.
Kontsumo Ministerioak gaur iragarri duenez, lizentziarik gabe lan egiten duten etxebizitza turistikoei ikerketa irekiko zaie. Etxebizitza horien publizitatea egiten duten enpresak eta jabeak izango ditu oinarri ikerketak, eta ez horiek iragartzen dituzten plataformak, Daniel Arribas Kontsumoko zuzendari nagusiak zehaztu duenez.
Esan bezala, Estatu mailan INEk bere inkesta esperimentalean 351.000 etxebizitza turistiko baino gehiago jaso ditu, urtebete lehenago baino 46.253 gehiago (% 15eko hazkundea). Pisu horiek 1,75 milioi plaza dituzte, % 13,3ko igoera. Horrela, etxe bakoitzeko bost plaza inguru daude.
Estatuko etxebizitza guztien % 1,3 turistikoak dira, urtebete lehenago % 1,2aren eta 2022ko otsailean % 1,1aren gainetik.
INEren estatistika esperimental honek 2020ko abuztutik, pandemia betean, oporretan alokatzeko 321.496 etxebizitza erregistratu zituenetik, soilik jasotzen ditu datuak.
Logikoki, mota horretako ostatuen kontzentrazio handiena duten erkidegoak turistikoenak dira, eta INEren datuek marrazten duten "bero-mapak" ia kostalde osoa gorriz kokatzen du, EAE izan ezik, hain zuzen ere.
Sailkapen horren buruan daude Andaluzia (82.454 etxe), Valentzia (59.413), Katalunia (52.598) eta Kanariar Uharteak (46.784).
Laugarren postuan Balear Uharteak (25.073), Madril (19.456) eta Galizia (17.883) daude.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.