Gripearen aurkako txertoa hartzeko kanpaina abendura arte luzatu du Osakidetzak
Gripearen aurkako txertoa hartzeko kanpaina larunbat honetan amaitzea aurreikusita zegoen arren, abenduaren 31ra arte luzatzea erabaki dute Eusko Jaurlaritzako Osasun Sailak eta Osakidetzak, ohar baten bidez jakitera eman dutenez.
Gripearen aurkako kanpaina urriaren 14an hasi zen, eta, lehen bost aste hauetan, 311.766 pertsonak hartu dute txertoa Euskal Autonomia Erkidegoan (EAE). Iazko datuekin alderatuta, mila lagun inguru gehiago joan dira txertoa jartzera, batez ere 65 urtetik gorakoak (% 80), Osakidetzak emandako datuen arabera.
Testuinguru horretan, gripearen aurkako prebentzio neurri eraginkor bakarra "immunizazioa" dela gogorarazi du Osasun Sailak, eta gaixotasun honen aurrean "arduraz jokatzeko" eskatu die herritarrei.
Ildo horretan, 65 urtetik gorakoek, gaixotasun kronikoak dituztenek eta haurdun daudenek osatzen dituzten arrisku-taldeek txertoa hartzea oso garrantzitsua dela esan du berriro Jaurlaritzak ohar baten bidez.
Kanpaina honetarako, 400.000 dosi baino gehiago eskuratu dituzte, eta kopuru hori handitu egin daiteke, beharrezkoa bada. Dosi horiek erosteko, 1,4 milioi euro inbertitu dira, aurreko kanpainan baino % 16 gehiago.
EAEn, gripearen eragina oso txikia da oraindik, baina datozen asteetan egoera hori alda daitekeela ohartarazi du Osasun Sailak.
Iaz, gripea zuten 1.662 pertsona ospitaleratu zituzten, eta horietako 435 larri egon ziren. Gainera, 79 pertsona hil ziren, hau da, aurreko denboraldian baino 25 pertsona gutxiago. Gripeak 2019ko hirugarren astean izan zuen eragin handiena: 100.000 biztanleko 532,5 kasu erregistratu zituzten astebetean.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.