34 hildako EAEn eta 12 Nafarroan, azken 24 orduetan
Koronabirusaren pandemia dela eta, 5.136 positibo zenbatu dituzte EAEn azken 24 orduetan, asteartean baino 535 gehiago, eta 241 dira hildakoak jada, bezperan 34 hil ondoren.
Eusko Jaurlaritzako Osasun Sailak ostiral honetan emandako datuen arabera, bezperan baino 120 lagun gutxiago kutsatu dira, dena dela.
Koronabirusak kutsatutako 1.023 pertsona sendatu dira eta alta eman diete EAEko ospitaleetan larunbat honetara arte, Nekane Murga Osasun sailburuak emandako datuen arabera.
Egun, 5.136 kutsatuetatik 1.722 ospitaleratuta daude.
Lurraldeka, Araban 1.779 kasu positibo zenbatu dira (169 positibo berri), eta horietatik 345 ospitaleratuta daude. Bizkaian, 2.463 pertsona dira COVID-19arekin gaixo daudenak (277 positibo berri), eta horietatik 1.087 ospitaleratu dituzte. Gipuzkoan, 894 positibo izan dira (89 positibo berri), eta horietatik 290 ospitaleratuta daude.
Gainera, gaixotasuna detektatzeko 12.665 test egin dituzte, ostiralean 1.178 egin ostean.
Nafarroan 188 kutsatu gehiago eta 12 hildako gehiago
Nafarroan 188 positibo gehiago izan dira azken 24 orduotan eta jada 1.829 kasu dira, guztira. Hildakoak, berriz, 12 izan dira, eta krisia hasi zenetik 70.
Espainiako Osasun Ministerioak jakitera eman duenez, gora egin du Zainketa Berezien Unitatean dauden gaixoen kopuruak. Azken 24 orduetan 9 pertsona gehiago pasatu dira egoera honetara. Guztira, 84 dira.
Bestalde, 98 pertsona sendatu dira jada. Zehazki, 18ri eman zioten senda-agiria atzo.
Kutsatu kopuruari erreparatuz, Iruñea kenduta, Tafalla (91) eta Burlata (80) dira positibo gehien dituzten herriak. Iruñean, berriz, Arrotxapea (80) eta Iturrama (72) dira positibo gehien dituztenak eta Mendillorri (23) nahiz Milagrosa (30) gutxien dituztenak.
Espainian
Espainiako Osasun Ministerioak 72.248 koronabirus kasu positibo baieztatu ditu larunbat honetan, 8.189 kutsatu berri azken 24 orduetan, hau da,% 12,8 gehiago. Gainera, 5.690 hildako daude jada koronabirusagatik Espainian, atzo 832 pertsona hil ostean.
486 gaixo gehiago sartu zituzten atzo Zainketa Intentsiboen Unitatean, eta jada 4.575 pertsona daude egoera horretan (%9,84 gehiago). Hala ere, COVID-19tik sendatu diren pertsonak hildakoak baino bi aldiz gehiago dira: 12.285 (2.928 alta berri azken 24 orduetan).
Madrilgo Erkidegoak jarraitzen du okerren egoten. Atzo beste 345 pertsona hil ziren, eta epidemia hasi zenetik 2.757 dira hildakoak, Espainia osoan erregistratutakoen ia erdia.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.