Galdakaoko ospitalea ez dabil immunizatutakoen bila WhatsAppez, plasma eman dezaten
Galdakaoko ospitaleak (Bizkaia) osasun-zentrora deitzeari uzteko eskatu du, azken egunotan WhatsApp bidez hedatu den mezu batean zabaldutakoaren harira. Aipatu mezu horretan esaten denez, COVID-19 gaitza gainditu duten boluntarioen bila dabiltza ospitalean, saiakuntza kliniko batean parte har dezaten. Saiakuntza horren oinarria da "une honetan koronabirusak kutsatuta dauden gaixoak dagoeneko birusak immunizatutako pertsonen serumarekin artatzea".
Halaber, horren guztiaren berri ematen duten mezuetan kontaktu gisa agertzen den profesionala (haren izena eta telefono-zenbakia azaltzen dira bertan) EiTBren #Koronabuloak ekimenarekin jarri da harremanetan, koronabirusarekin zerikusia duten albiste faltsuei aurre egiteko lanean ari dena. Profesional horrek ere bere telefonora deitzeari eta mezuak birbidaltzeari uzteko eskatu du.
Honela dio WhatsAppez hedatu den aipatutako mezuak (jatorrizkoa, gaztelaniaz):
En Galdakao estamos organizando un ensayo para tratar a los pacientes COVID con suero de personas ya inmunizadas con el virus.
Probablemente ya habéis oído algo sobre este tratamiento, los chinos han hecho algo y también ha habido un intento en Madrid.
Se trata de obtener plasma de pacientes inmunizados de COVID mediante plasmaferesis y administrárselo a los pacientes. Parece que funciona.
Necesitamos donantes de plasma de personas que hayan pasado la infección hace 2 semanas y dispuestos a hacer plasmaféresis. Nosotros les haríamos previamente una PCR y la determinación de Ac.
Para los posibles donantes, mejor varones jóvenes o mujeres nuliparas y que no hayan recibido nunca una transfusión, se pueden poner en contacto con xxxxxxxxx por WhatsApp xxx-xxx-xxx.
Profesional horrek azaldu digunez, "WhatsApp ez da horrelako gauzak egiteko modu egokia. Beste zentro batzuk bezala, saiakuntza klinikoan parte hartzen ari gara, bai; baina plasma emateko prest dauden pertsonengana jotzeko modua ez da hori".
"Asmo ona, baina ezin dugu lanik egin"
Aipatutako profesionalaren aburuz, WhatsApp bidez zabaldutako mezuen ekimena "proiektutik kanpo dagoen pertsonaren batek hasi du ziur aski; borondate onez, lagundu nahian zebilela. Hala ere, larunbataz geroztik, telefonoguneak eta nik neuk hainbat eta hainbat dei jasotzen ari gara, eta horrek gure lana normaltasunez egitea eragozten digu".
Hori dela eta,"jendearen bihotz ona eskertuz", gai horri buruzko dei gehiagorik ez egiteko eta mezuak hedatzeari uzteko eskatu du.
Buloei aurre egiteko xede horretan, EiTB VOST Euskadirekin (Euskadiko Larrialdietako Boluntario Digitalen Elkartea) eta Maldita.es webgunearekin ari da lankidetzan egun hauetan. Horrez gain, Eva Caballero kazetariak zuzendutako Radio Euskadiko La Mecánica del Caracol zientzia eta teknologiari buruzko dibulgazio-programan parte hartu ohi duten adituen laguntza ere badu.
Zure interesekoa izan daiteke
'Kuadrilla', 2026ko sanferminak iragarriko dituen kartel irabazlea
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
'MV Hondius' ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.