22 hildako EAEn eta hiru Nafarroan azken orduetan COVID-19aren ondorioz
COVID-19ak eragindako pandemiaren ondorioz, 22 pertsona hil dira EAEn azken orduetan. Nafarroan, berriz, hiru hil dira azken orduetan, Nekane Murga Osasun sailburuak emandako koronabirusarekin kutsatuen eta hildakoen balantzearen azken datuen arabera.
Horrela, pandemia hasi zenetik 1.296 pertsona hil dira Euskal Autonomia Erkidegoan, Osasun Ministerioak ostegun honetan jakitera eman dituen datuen arabera.
Gainera, azken 24 orduetan, PCR bidez baieztatutako 82 kutsatu berri antzeman dituzte Euskadin; beraz, 12.701 dira test horretan positibo eman dutenak, eta datu hori Eusko Jaurlaritzak ematen duena baino txikiagoa izango da, test azkarrak ere zenbatzen baititu.
Bestalde, aurreko balantzetik 462 pertsona gehiagok gainditu dute gaixotasuna Euskadin, eta guztira 10.936 pertsona sendatu dira.
Euskadin, guztira, 95.743 PCR eta 45.395 test azkar egin dituzte. Atzoko 20:00ak arte, 9.645 proba egin ziren.
Guztira 15.519 kasu positibo zenbatu dituzte EAEn, eta horietatik % 70,4 sendatu dira edo alta jaso dute.
Atzo PCR bidez baieztatutako positibo berriak 82 dira. Test azkarraren bidez antzemandakoak, berriz, 417 izan dira.
Horrez gain, 655 pertsona (atzo baino 28 gutxiago) daude ospitaleratuta: horietatik 558, zainketa intentsiboetako unitateetan, eta 97, ospitaleko gela arruntetan.
Datuak lurraldez lurralde aztertuta, 3.962 positibo daude Araban (143 ospitaleratuta), 8.844 Bizkaian (371 ospitaleratuta) eta 2.713 Gipuzkoan (141 ospitaleratuta).
Santos Indurain Foru Gobernuko Osasun kontseilariak Nafarroan ematen ari diren datu "itxaropentsuak" azpimarratu ditu; izan ere, asteazken honetan 21 koronabirus kasu berri zenbatu dituzte eta hiru gaixo hil dira; beraz, guztira 451 pertsona hil dira. Baieztatutako kasuen artean izandako heriotzen % 69,2 (312) ospitalean hil dira, eta % 30,8 (139) ospitaletik kanpo. Hildako horiek 26 eta 107 urte artean zituzten, baina horien batez besteko adina 83 urtekoa da.
Kontseilariak prentsaurreko batean azaldu duenez, Nafarroak hainbat egun daramatza kutsatzeen % 1eko hazkunde-tasarekin, eta horrek "ordoki" egoera sendotzen du, "zerra hortzak" izan ditzakeen arren, "beherantz egonkortzera" zuzentzen dena, egunean 400 PCR egitetik 1.400 egitera pasatu den arren.
Sailburuak jakitera eman duenez, asteazken honetan 21 kasu berri detektatu dituzte, antigorputzen testek eragindako 163 kasuez gain. Hala, Nafarroan, 4.815 kasu diagnostikatu dituzte PCR bidez, eta 6.140, bi proben emaitzak batuta.
Pandemia hasi zenetik, 2.113 gaixo sendatu dira (aurreko egunean baino 31 gehiago), eta osasun alorreko 795 profesional kutsatu dira guztira.
14 paziente berri ospitaleratu dituzte, eta, hortaz, 1.965 dira orain arte ospitaleratutakoak.
Baieztatutako 3.576 kasu aktiboetatik, aurreko egunean baino 222 gehiago, % 54,5 (3.347) etxean ari dira gaixotasuna pasatzen, % 2,4 (150) ospitaleratuta daude, % 0,6 (39) etxeko ospitaleratzean, eta % 0,7 (40) zainketa intentsiboetako unitateetan.
Pandemia hasi zenetik 132 paziente zainketa intentsiboetako unitateetan ospitaleratu dituzte, eta gaur egun 40k jarraitzen dute ospitaleratuta, atzo baino hiru gutxiagok.
Heriotzak murriztu dira azken 24 orduetan Espainian
Koronabirus berriak eragindako heriotzen kopuruak behera egin du berriz ere azken 24 orduetan Espainian: 268 pertsona hil dira, asteazkenean baino 57 gutxiago, 325 hil baitziren bezperan. COVID-19arekin hildakoen kopurua 24.543ra igo da. Pandemia hasi zenetik egun batean hildako berrien daturik baxuena da.
PCR bidez baieztatutako kasuen kopuruari dagokionez, Osasun Ministerioak argitaratutako azken txostenak erakusten du 213.435 pertsonak eman dutela positibo, hau da, 1.309 gehiago 24 ordutan, asteazkeneko datuekin alderatuta (2.144 kasu gehiago). Positiboetatik, 39.987 osasun profesionalak dira. Halaber, 112.050 gaixo sendatu dira dagoeneko, hau da, 3.103 gehiago (6.399 gaixo sendatu ziren bezperan).
Autonomia-erkidegoen arabera, eta pandemia hasi zenetik gertatu den bezala, Madrilgo Autonomia Erkidegoa da kaltetuen kopuru handiena duena, 61.171 kalteturekin, eta Katalunia dago ondoren, 48.916 kutsaturekin.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.