Arrasate, Errenteria eta Irungo kasuek lotura duten aztertzen ari da Osasun Saila
Azken orduetan Arrasaten, Errenterian eta Irunen atzemandako koronabirus kasu berrien harira, Gipuzkoan beste agerraldi bat izan den aztertzen ari da Eusko Jaurlaritzako Osasun Saila.
Eusko Jaurlaritzak atzo, asteartea, zabaldutako datuen arabera, bi hildako eta 15 positibo gehiago utzi ditu gaitzak Euskadin azken orduetan. COVID-19ak eragin duen pandemiaren bilakaerak zertxobait okerrera egin duela adierazten du horrek. Zehazki, Araban bost positibo gehiago atzeman dira azken orduetan, Bizkaian beste bost eta Gipuzkoan beste horrenbeste.
Gipuzkoan baieztatutako kasuei dagokienez, Donostian (bat), Irunen (hiru) eta Errenterian (bat) bizi dira azken 24 orduetan PCR bidez egindako probetan positibo eman dutenak. Testuinguru horretan, Donostian atzeman duten kasua Orioko agerraldiarekin lotuta dagoen aztertzen ari dela baieztatu du Osasun Sailak, bigarren mailako kontaktu baten bidez kutsatu dela iritzita.
Orioko agerraldiari dagokionez, 17 pertsona gaixotu dira, eta horrekin lotura izan dezaketen balizko beste bost kasu aztertzen ari dira uneotan. Ildo horretatik, balizko 22 kasu horiei Donostian atzeman dutena gehitu zaie azken orduetan.
Horrez gain, atzo Gipuzkoan baieztatutako beste lau positiboek (Irungo hirurak eta Errenteriakoak) Arrasatekoekin loturarik duten ere ikertzen ari dira. Osasun Sailetik azaldu dutenez, senide eta/edo lagunen arteko topaketetan kutsatu dira.
Nekane Murga Eusko Jaurlaritzako Osasun sailburuak prentsaurrekoa emango du gaur eguerdian, COVID-19aren bilakaeraren berri emateko. Osasun Sailetik gogorarazi dutenez, "birusak hor jarraitzen du" eta une honetan "gu geu" gara koronabirusaren aurka dagoen txerto bakarra.
Bestalde, Baskoniako ehunka zaleren ospakizunei dagokienez, pertsonen arteko segurtasun-distantzia zaintzea derrigorrezkoa dela azpimarratu du Osasun Sailak, eta, posible ez denean, maskarak erabili behar direla. Halaber, arrisku-egoerak saihesteko eskatu die herritarrei.
Pandemiaren hasieratik, 1.615 pertsona hil dira Euskadin koronabirusaren ondorioz (% 7,7). Atzo, bi pertsona hil ziren.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".