86 koronabirus kasu gehiago atzeman dituzte EAEn, igandeko kopuruen erdia
EAEn, 86 positibo atzeman dituzte azken 24 orduetan PCR proben bidez. Kasu berrietako 54 Bizkaian atzeman dituzte, 24 Gipuzkoan eta zazpi Araban. Horrez gain, EAEtik kanpo bizi den pertsona batek positibo eman du azken orduetan.
Halaber, gaitza atzemateko 2.534 PCR egin zituzten atzo, aurreko egunean baino 1.789 proba gutxiago, Osasun Sailak ohar baten bidez jakitera eman duenez. Datu horiek erakusten dute igande honetan egindako ehun probetatik 3,39k positibo eman dutela.
Hala, asteburuan atzemandako kasuekin alderatuta, positiboen kopuruak gora egin du ostiraleko datuekin alderatuta; izan ere, egun horretan egindako ehun probetatik 2,92k positibo eman zuten. Atzo jakinarazitako datuei dagokienez (larunbatean atzemandako kasuak aipatuz), egunean zehar egindako ehun probetatik 3,83k emaitza positiboa izan zuten.
Zehazki, ondorengo herri hauetan atzeman dituzte koronabirus kasuak:
Gipuzkoan: Aretxabaleta (bat), Arrasate (bost), Donostia (hiru), Eibar (hiru), Errenteria (hiru), Hernani (hiru), Oñati (bat), Soraluze (bat), Tolosa (bat) eta Zarautz (hiru).
Bizkaian: Abadiño (lau), Abanto Zierbena (bat), Bakio (bat), Barakaldo (sei), Basauri (bat), Berango (bat), Bermeo (bu), Bilbo (22), Durango (bat), Ermua (zortzi), Getxo (bat), Leioa (bat), Sestao (lau) eta Trapagaran (bat).
Araban: Gasteiz (zazpi).
Azken orduetan positibo eman duten pertsonen profilari dagokionez, 45 emakumeak dira eta 41 gizonak. Gainera, positibo eman duten gehienek 69 urte baino gutxiago dituzte. Batez ere, 10 eta 19 urte bitartean dituzte (17 kasu).
COVID-19a duten beste 11 pazientek 20 eta 29 urte bitartean dituzte, eta kutsatutako 12 euskal herritar 30 eta 39 urte bitartean. Gainera, azken orduetan atzemandako zortzi kasutan gaixoek 0 eta 9 urte bitartean dituzte.
Osasun Sailak jakinarazi du, halaber, positibo eman duten 13 pertsonek 40 eta 49 urte bitartean dituztela, beste 14k 50-59 urte bitartean, 11k 60-69 urte bitartean eta beste 10ek 70 urtetik gora.
1,05 da gaurko R0 indizea (atzo 1,17 zen).
Ospitaleetako egoerari dagokionez, egun hiru pertsona daude zainketa intentsiboetako unitateetan ospitaleratuta, Osasun Sailak eguneroko prentsaurrekoan emandako datuen arabera.
97 kasu gehiago atzeman dituzte Nafarroan
Bestalde, Nafarroan 97 koronabirus kasu gehiago atzeman dituzte azken orduetan. Horrez gain, gaitza atzemateko 1.444 PCR proba egin dituzte guztira, Nafarroako Gobernuak jakitera eman duenez.
Uztailaren 19tik 25era bitartean positibo eman zuten herritarren % 46k 15 eta 30 urte bitartean dituzte. Positibo eman duen pertson bakoitzeko atzemandako kontaktuen batez bestekoa % 55ekoa da egunotan, eta % 73 Iruñean eta eskualdean bizi dira.
Nafarroako ospitaleetako egoerari dagokionez, azken orduetan pertsona bat artatu behar izan dute Tuterako Reina Sofia Ospitalean, eta gaixo bat zainketa intentsiboetako unitatean dago gaur egun.
Espainiako Osasun Ministerioaren arabera, joan den ostiralera arte, Nafarroan 6.244 koronabirus kasu baieztatu dituzte jada pandemiaren hasieratik.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.