Osasun sistema bete eta maskara ez erabiltzea helburu duen kanpaina bat salatu dute
Osasun sistema bete eta gainezka egitea helburu duen kanpaina bat salatu du astelehen honetan Bizkaiko Medikuen Elkargoak (BME). Ohar batean azaldu duenez, arrazoi medikoengatik maskara erabiltzetik salbuetsita ez dauden herritarrei erreklamazioak jartzera animatzen dituzte "ezin hobeto antolatuta dagoen kanpaina" horrekin.
WhatsApp bidez bolo-bolo zabaltzen ari den mezu horren arabera, familiako medikuari maskara erabiltzetik salbuesteko agiri bat eskatu behar zaio, eta medikuak hori egiteari uko egiten dionean, kexa bat jarri pazientearen arreta zerbitzuan. Jarraian, abokatu bati kopia bat eman behar zaio (Elkargoak adierazi duenez, mezu horretan abokatu baten izen-abizenak zehazten dira), antza denez, abokatu horrek salaketa guztiak bildu eta salaketa kolektibo bat aurkeztuko baitu epaitegietan.
Bizkaiko Medikuen Elkargoak jakinarazi duenez, mezu hori WhatsApp bidez zabaltzen ari da, eta maskara erabiltzetik salbuesteko agiriak emateari uko egin dioten elkargokide batzuen aurka kexak aurkeztu dituzte jada.
Elkargoaren ustez, kanpaina hori "osasun publikoaren aurkako atentatua" izan daiteke, maskara ez erabiltzea bultzatzeagatik eta osasun sistemak gainezka egiten saiatzeagatik.
Testuinguru horretan, Bizkaiko Medikuen Elkargoak azaldu du dagoeneko kanpaina horren berri eman diela Osasun sailburuari eta Osakidetzari, eta EAEko Auzitegi Nagusiko fiskaltzari ere jakinaraziko diola.
Zure interesekoa izan daiteke
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da, tenperatura altuek eragindako arazo teknikoengatik.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertuko sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko erreietako bati eragin dio suteak, eta, ondorioz, arazoak izan dira zirkulazioan. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.