Ikasturtea abian da Ipar Euskal Herrian, 11 urtetik gorakoek maskara aldean dutela
Ipar Euskal Herriko ikasleek gaur, irailaren 1ean, hasi dituzte eskolak, aurreikusita zegoen bezala. Dena dela, ezohiko ikasturte hasiera honetan, 11 urte baino gehiago dituzten pertsona guztiek maskara jarri beharko dute, derrigorrez. Gainera, koronabirusak eragindako pandemiaren ondorioz, neurri gehiago aurreikusten dituen protokolo bat prestatu dute agintariek.
"Eskolak ez dira osasun arloko krisi honetatik salbu egongo. Horregatik ez dut ikasturte berriko hasiera atzeratu nahi izan. Maiatzeko eta ekaineko esperientzia baliatuko dugu", adierazi du Jean-Michel Blanquer Frantziako Hezkuntza ministroak hedabideen aurrean egindako agerraldian.
Itzulera ez da mailakatua izango, baina gaitza zabaltzea saihesteko prebentzio-neurriak indartu dituzte. Hala, irakasle guztiek maskarak eraman beharko dituzte, haurtzaindegietako zein haur eskoletako irakasleek barne, orain arte betebehar horretatik salbuetsita zeuden arren.
Protokolo horrek Frantziako Gobernuak ezarritako oinarrizko osasun-neurriak jasotzen ditu, hala nola, eskuak maiz garbitzea eta ikasgela zein espazio irekiak sarri garbitzea eta aireztatzea. Dena dela, maskarak ez dituzte doan banatuko.
Gainera, ikasleak eta irakasleak distantzia fisikoa errespetatzen saiatu beharko dira, baina ez da derrigorrezkoa izango distantzia mantentzea ezinezkoa bada edo klase bateko ikasle guztiak hartzeko oztopo bada.
Ikasgela batean konfinamendu mugatuak edo behin-behineko itxierak ezartzen badira, ikasturtea telematikoki jarraitu ahal izateko sistema prest dute jada, online jarraitu ahalko dituzten ehunka klaserekin. Gainera, eskolaz kanpoko klaseak eskainiko dizkiete ikasleei, astean hiru ordu inguru.
Protokoloa uztailean prestatu zuten, baina agintariek diote ez dagoela zaharkituta, egoerak okerrera eginez gero neurri zorrotzagoak aurreikusten dituelako. Dena dela, oraingoz ez dituzte neurri horiek publiko egin, egoera epidemikoak ez duelako halakorik eskatzen.
Dena dela, irakasleen sindikatuak ez datoz bat Frantziako Gobernuak ikasturtearen hasierarako ezarri dituen prebentzio-neurriekin, haien ustez, oraindik jorratu gabe dauden arlo asko baitaude, jantokien kasua, esaterako (horientzat ez dago araurik, gomendioak baizik).
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.