Eskolara bueltak ez ditu COVID-19aren kutsatzeak areagotu, pediatren arabera
Ikasturte berezi honen lehen asteek ez dute aparteko eraginik izan Hego Euskal Herriko egoera epidemiologikoan, ezta COVID-19aren kutsatzeetan ere. Hala diote behintzat eitb.eus-ek elkarrizketatu dituen bi pediatrek.
Egia da ehunka ikasgela isolatuta daudela, baina eskola barruko agerraldiak ez dira asko izaten ari. Osasuneko profesionalen esanetan, haurren artean atzemandako kutsatze gehienak etxean gertatu dira, positibo eman duen heldu batek eraginda.
Ziurgabetasuna handia zen, baita beldurra ere. Adituek ez zuten argi zein eragin izango zuen ikasturte hasierak COVID-19aren pandemian eta gainkarga nabaria duen osasun sisteman. Hiru aste igaro dira EAEko eta Nafarroako milaka ume eta nerabe eskolara bueltatu zirenetik. Normaltasun berri batera egokitzeko asteak izan dira: musukoa une oro eramateko, distantzia eta eskuak garbi mantentzeko ahalegina egiteko eta talde burbuilak ez apurtzeko asteak.
Hiru asteren ondoren, ikasturte hasieraren balorazioa egiteko eskatu diegu bi pediatrari: bata Osakidetzakoa, Osasunbidekoa bestea. Marta Ramos pediatra da Lehen Arretan, eta Nafarroako Kudeaketa Klinikoaren eta Jarraipen Asistentzialaren Laguntza Zerbitzuko teknikaria. Javier Benito, berriz, Gurutzetako Ospitaleko Pediatriako Larrialdien zerbitzuburua da. Biek ala biek ondo ezagutzen dute kontsulta pediatrikoen egunerokoa, baina ikuspegi ezberdinetatik: osasun-zentroak birusa atzemateko prozesuan giltzarri dira; ospitaleetan kasurik larrienak artatzen dira.
Ramosen hitzetan, "anbulatorioetan gora egin dute kontsultek, baina horrek ez du esan nahi umeak gehiago gaixotu direnik". Pediatra horrek azaldu duenez, "lehen osasun-zentroetara heltzen ez ziren gaixotasun arinak artatu behar ditugu orain: katarro soilak, gastroenteritis arinak... Gurasoak kezkatuta gaude, zalantza asko ditugu eta beldur gara gure seme-alabek duten hori ez ote den koronabirusa izango". Horiei guztiei ohiko kontsultak batu behar zaizkie, eta, hala, "gainkarga handia" dutela nabarmendu du.
Gurutzetako Ospitalean, berriz, "ez dugu ezberdintasunik atzeman aurreko urteekin alderatuta". Javier Benitok azaldu digunez, "garai honetan kontsulta gehiago izaten ditugu sasoi honekin lotutako gaixotasunak direla eta, dela bronkiolitisa dela asma", eta iraileko lehen aste hauek ez dira salbuespena izan. Benitok gogorarazi duenez, haurrengan atzemandako koronabirus kasu gehienak Lehen Arretan detektatzen dituzte, eta, beraz, askoz gutxiago dira erietxeetara heltzen direnak.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.