750 COVID-19 kasu gehiago atzeman dituzte azken orduetan Hego Euskal Herrian
Eusko Jaurlaritzako Osasun Sailak jakitera eman duenez, atzo 8.649 PCR proba egin ziren Euskal Autonomia Erkidegoan eta horietatik 398 positiboak izan ziren (bezperan 383). Beraz, PCR probetako positibo portzentajeak %5aren azpitik egoten jarraitzen du, MOEk gomendatzen duen bezala. Zehazki, %4,6koa da atzokoa.
Lurraldeka, 96 kasu atzeman dituzte Araban (bezperan 70), 185 Bizkaian (bezperan 159) eta 115 Gipuzkoan (bezperan 141) eta 2 kasu Euskaditik kanpoko pertsonenak izan ziren (bezperan 13).
Ospitaleen egoerari dagokionez, 27 lagun ospitaleratu zituzten atzo COVIDa dela eta, eta 49 pertsona daude une honetan Zaintza Berezien Unitateetan, atzo baino 3 lagun gehiago.
Herriz herriko informazioa eta RO indizea ez da astelehenera arte eguneratuko.
352 positibo berri eta 18 ospitaleratze Nafarroan
Nafarroako Osasun Kontseilaritzak 352 koronabirus kasu berri baieztatu zituen ostiralean. Gainera, 18 pertsona gehiago ospitaleratu behar izan dituzte Foru Erkidegoan. Ez dute paziente berririk ZIUn, eta ez da hildakorik izan.
Nafarroako Osasun Publikoaren Institutuak zehaztu duenez, 3.610 PCR probaren bidez 352 positibo atzeman dituzte, hau da, % 9,75.
218 paziente artatzen ari dira (atzo baino 5 gutxiago) ospitaleetan, horietako 26 ZIUn, Nafarroako Gobernuak ohar batean azaldu duenez.
Iruñeak eta Iruñerriak positibo berrien % 59 dituzte, ondoren Lizarrak % 12 eta Tuterak % 6. Nafarroako gainerako eskualdeetan positiboen % 23 baieztatu dituzte.
Kutsatu berrien % 25 15-29 adin tartekoak izan ziren atzo; ondoren 45-59 adin tartekoak % 21 eta 30-44 % 19.
14 urtez azpikoen artean % 17 positibo atzeman dituzte eta, azkenik, 60-75 adin tartean % 10 baieztatu dituzte, eta 75 urtez gorakoen artean % 8. Horrela, kutsatu berrien batezbesteko adina 37,4 urtekoa da.
218 pertsona daude Nafarroako ospitaleetan COVID-19aren eraginez, horietako 26 ZIUn eta 29 etxean. Gainerako 163 pazienteak ospitaleetako logeletan daude.
Guztira, 16.879 pertsona kutsatu zenbatu dituzte Nafarroan, eta 564 hildako.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.