Egoerak okerrera egin du Euskadin eta 817 positibo zenbatu dituzte
Covid-19aren kasu berriek gorakada nabarmena izan zuten atzo Euskadin: pandemiaren bilakaera aztertzen duten adierazle guztiek okerrera egin dute azken orduetan, 817 kasu positibo berri (257 gehiago) atzeman baitituzte, azaroaren 20tik izandako kopururik handiena.
Bilakaera negatiboa izan dute bai positiboen tasak (igandeko % 5,2tik asteleheneko % 6,7ra), bai 14 eguneko epean metatutako intzidentziak (305,4 kasu izatetik 326,77 izatera), bai ospitaleratuta dauden pazienteen kopuruak (420 zenbatu dituzte, bezperan baino 10 gehiago).
Osasun Sailak asteleheneko datuekin eguneratu du buletin epidemiologikoa, Eusko Jaurlaritzak onartutako murrizketa berriak indarrean sartzeko ordu gutxi falta direnean, asteazken honetako 00:00etan abiatuko baitituzte; besteak beste, lurralde historikoen eta udalerrien konfinamendu perimetrala ezarriko dute, 14 egunean 100.000 biztanleko 500 kasu baino gehiago dituzten udalerrietan.
Astelehenean, 12.238 proba diagnostiko egin zituzten (igandean baino 1.478 gehiago), 8.949 PCR proba eta 3.289 antigeno test, Eusko Jaurlaritzak astearte honetan eman dituen datu epidemiologikoen arabera.
Positibo berri gehienak (492, igandean baino 170 gehiago) Bizkaian erregistratu dituzte, 219 (aurreko egunean baino 53 gehiago) erregistratu dituzte Gipuzkoan, eta 92 (igandean 67 izan ziren), berriz, Araban. Gainera, 14 kasu atzeman dituzte Euskal Autonomia Erkidegotik kanpo bizi diren pertsonen artean, bezperan baino bederatzi gehiago.
Hamar udalerri daude eremu gorrian Euskal Autonomia Erkidegoan, covid-19ak Euskadin herriz herri izandako eragina neurtzen duen Eusko Jaurlaritzako Osasun Sailaren semaforoaren arabera. Azken orduetan, okerrera egin du egoerak Muskizen, hein handi batean Marcelo Gangoiti adinekoen egoitzan atzemandako agerraldia dela eta, eta udalerri gorri izatera igaro da astearte honetan.
Muskiz gain, Agurain (Araba), Amorebieta-Etxano, Bermeo eta Lekeitio (Bizkaia) eta Beasain, Zumaia, Andoain, Villabona eta Lazkao (Gipuzkoa) daude eremu gorrian.
Beste datu negatibo bat ospitaleetako presioarena da: 420 paziente daude ospitaleratuta (aurreko egunean baino hamar gehiago). Horietatik 75 zainketa intentsiboetako unitateetan daude (bezperan baino bat gutxiago), baina gela arruntetan 345 daude (igandean baino 45 gehiago).
Jonan Fernandez LABIren Batzorde Teknikoko koordinatzailearen hitzetan, "zalantzarik gabe Eguberrietako eragina nabaritzen ari gara egun hauetan, baina ez hori bakarrik, faktore gehiago daude kontuan hartu behar direnak". Izan ere, argitu du Gabonak baino lehen beste erkidego batzuetan goranzko joera hori bazetorrela ikusi zutela, eta, ondorioz, "hipotesiekin jokatu behar dugu", esan du. "Ez da horren erraza arrazoiak zehaztea", erantsi du. Horren ildoan, Erresuma Batuko aldaera horrek gurean zenbaterainoko eragina duen ere zehazteke dagoela adierazi du.
Nafarroan
Asteko lehen laneguneko datuek gorakada ekarri dute Nafarroako positibo berrien kopuruan. Izan ere, astelehen honetan 162 positibo zenbatu dituzte, Nafarroako Osasun Publikoaren eta Lan Osasunaren Institutuak emandako datuen arabera. Positibotasun tasa % 8,4koa izan da, bezperan baino ia puntu eta erdi txikiagoa.
Espainian
Salvador Illa Espainiako Osasun ministroak ohartarazi duenez, urtarrila "hilabete zaila" izaten ari da, eta izango da, baina berriro baztertu du martxoan ezarritako etxeko konfinamendua ezartzeko beharra.
Ministroen Kontseiluaren osteko prentsaurrekoan, Illak berretsi du covid-19aren pandemiaren bilakaera "oso kezkagarria" dela Espainian; izan ere, azken 14 egunetan pilatutako eragina 435,62 kasu izan dira 100.000 biztanleko.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.