Gutxienez 4.293 pertsona hil dira covidarekin Euskal Herrian, pandemia hasi zenetik
Hamaika hilabete igaro dira Euskal Herrian covid-19aren lehen kasuak agertu zirenetik, eta denbora tarte horretan, milaka izan dira kutsatuak eta hildakoak. Udaberriko lehen olatuaren ondoren, barealdia etorri zen udan, baina udazkenarekin batera, kasuak goraka egin eta bigarren olatuak harrapatu gintuen. Gabonetara datu kezkagarriekin iritsi ondoren, zenbaki dramatikoak utzi ditu pandemiak gurean, ostiralean 104 ospitaleratu gehiago egun bakarrean, adibidez, Euskal Autonomia Erkidegoan.
Txertaketaren hasierak argi printza ekarri bazuen ere, espero baino erritmo motelagoan hasi izanak ez du oraindik birusaren transmisioan eta zaurgarrienen hilkortasunean eraginik izan. Izan ere, populazioaren %70ak hartu beharko luke txertoa talde-inmunitatea lortzeko, 2 milioi pertsonak Euskal Herrian, Felix Zubia Donostia Ospitaleko ZIUko medikuaren esanetan.
Kopuru horietara iritsi bitartean, baina, pandemiak aurrera egiten jarraituko du eta izurriak eragindako biktimek ere goraka jarraituko dute. 2021eko urtarrilaren 24 honetan ofizialak diren datuen arabera, 181.297 pertsona kutsatu dira covid-19arekin Araban, Bizkaian, Gipuzkoan eta Nafarroan; eta horietatik 4.275 hil egin dira. Ipar Euskal Herriko datuak lortzea oso zaila da, Frantziako Estatuaren antolaketa administratiboa dela eta, Akitania Handiako edota Pirineo Atlantikoko datuetan sartzen baitira Lapurdiko, Behe Nafarroako eta Zuberoakoak. Hala, ziurra den datu bakarra gutxienez 18 lagun hil direla da, baina inguruko datuak ikusita, logikoa da biktima errealak askoz ere gehiago izan direla pentsatzea.
Euskal Autonomian Erkidegoari dagokionez, 134.622 pertsona kutsatu dira otsailaren 28an lehen kasua atzeman zenetik. Denbora honetan 3.269 pertsona baino gehiago hil dira (urtarrilaren 17koa datu hori. Eusko Jaurlaritzako Osasun Sailak astean behin bakarrik berritzen baitu hildakoen informazioa). Gaitzaren hilkortasun tasa %2,42 ingurukoa da, beraz, gutxi gorabehera.
Grafiko honetan ikus daiteke kutsatu kopuruaren bilakaera EAEn:
Nafarroan, berriz, 46.675 pertsonari diagnostikatu diote covid-19a pandemia hasieratik eta 1.006 pertsona hil dira otsailaren 29an lehen kasua atzeman zenetik. Gaitzaren hilkortasun tasa %2,15 ingurukoa da, beraz, gutxi gorabehera.
Arestian esan bezala, ez dago Ipar Euskal Herriko datu fidagarririk, baina gutxienez 18 lagun hil direla egiaztatuta dago. Lehen kasua iazko martxoaren 4an atzeman zen Baionan.
Kutsatuen adin tarteari dagokionez, berriz, 40tik 59 urtera artekoak dira orain arte gehien kutsatu direnak EAEn, adibidez, Eusko Jaurlaritzako Osasun Sailak emandako datuen arabera, eta ondoren, 20tik 39ra bitartekoak. Hemen adinari dagokion grafikoa, modu adierazgarrian erakutsita:
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.