Kolon eta ondesteko minbiziaren baheketa programak 33.000 lesio atzeman ditu
Duela 12 urte Osakidetzak kolon eta ondesteko minbizia prebenitzeko programa abiatu zuenetik, 33.550 lesio (adenoma aurreratuak eta minbizi inbaditzaileak) hauteman eta tratatu ditu. Atzemandako kasuen % 70,4 hasierako estadioetan zeuden eta horregatik tratamendua ez da hain oldarkorra izan. Biziraupena % 95etik gorakoa da epe ertain-luzera.
Eusko Jaurlaritzako Osasun Sailak gaur jakinarazi ditu datuok, Koloneko Minbiziaren aurkako Mundu Egunarekin bat eginez.
2019. urtearen amaieran, hirugarren aldiz, xede populazio gisa identifikatutako pertsona guztiak gonbidatu zituen Osakidetzak proba egitera, hots, 50 eta 69 urte bitarteko 624.721 pertsona.
Gotzone Sagardui Eusko Jaurlaritzako Osasun sailburuak programan parte hartzeko deia egin dio jendarteari. Gaineratu duenez, Osasun Sailak parte-hartzea handiagoa izatea nahi du, bereziki gizonen artean; izan ere, horien parte-hartzea emakumeena baino txikiagoa da, nahiz eta lesioak izateko aukera gehiago dituzten.
Halaber, Osakidetzako profesionalek egindako lana goraipatu du Sagarduik. Haren esanetan, pandemia aurreko lan erritmoa errekuperatu dute dagoeneko, eta 2020ko abuzturako eginak zeuden pandemiarengatik programa eten zenean egin gabe geratu ziren kolonoskopia guztiak.
Test erraza
Baheketa programa horren helburua minbiziaren aurretiko lesioak edota hasierako estadioetan dauden minbiziak detektatzea da, biztanleen biziraupena eta bizi-itxaropena areagotzeko.
Osakidetzak kolon eta ondesteko minbiziaren baheketa-programaren inguruko gutuna bidaltzen die, bi urtez behin, 50 eta 69 urte arteko herritarrei. Eskutitzarekin batera kit txiki bat igortzen du, gorotzaren lagin bat jasotzeko eta anbulatoriora bidaltzeko, gero laborategian ezkutuko odola dagoen ala ez azter dezaten. Positibo emanez gero, Lehen Arretako medikuak ospitalera bideratuko du gaixoa kolonoskopia egin diezaioten.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.