Janssenen txertoa emateko kanpainari eustea erabaki dute Frantzian
Frantziako Gobernuak Johnson & Johnson enpresa-farmazeutikoaren Janssen txertoa emateko planarekin aurrera jarraitzea erabaki du, zenbait tronbosi kasu agertu ostean Ameriketako Estatu Batuetan txertaketa aldi baterako etetea erabaki badute ere.
AstraZenecarena bezala, 55 urtetik gorako pertsonak immunizatzeko erabiliko dute Janssenen txertoa. Aste hasieran 200.000 dosi jaso zituzten eta dagoeneko osasun zentroetan eta farmazietan banatzen hasi dira.
Gabriel Attal Frantziako Gobernuaren bozeramaileak azpimarratu du Janssenen txertoak Europako eta Frantziako osasun agentzien oniritzia jaso duela, eta erantsi du ulertzen duela herritarren artean zalantzak sortu izana AstraZenecaren txertoaren harira, tronbosiak eragin ditzakeela zabaldu delako.
Alabaina, Attalek ziurtatu du Frantziako Gobernuak AstraZenecari buruz duen iritzia ez dela aldatu, eta nabarmendu du adituek berretsi egin duela covid-19ari aurre egiteko ezinbestekoa dela eta detektatu diren tronbosi kasuak "ezohiko albo-ondorioak" direla eta txertoaren onurak arriskuak baino askoz handiagoak direla.
Txertaketa kanpaina abendu bukaeran abiarazi zenetik, 11,3 milioi herritarrek jaso dute lehendabiziko dosia –Frantziako herritarren % 16,9- eta 3,9 milioi dira bi dosiak hartu dituztenak (% 5,9).
Zure interesekoa izan daiteke
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Elgeako mendilerroan, Barrundian, piztutako baso sutea kontrolatu nahian ari dira suhiltzaileak
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Bi hegazkin, helikoptero bat, hiru parketako suhiltzaileak eta basozainak ari dira bertan lanean.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.
Huelvako eta Castelloko suteak ezin menderaturik jarraitzen dute
467 lagun ebakuatuta daude oraindik Nieblako suteagatik; Tirigen, berriz, 395 hektarea inguruko eremua erre da eta Cati herria konfinatuta dago.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.