Osakidetza hasi da Janssenen txertoa jartzen
Atzo arratsaldean iritsi ziren Janssen etxeko lehen txertoak (6.800 dosi) Arabara, Bizkaira eta Gipuzkoara, eta Osakidetza gaur hasi da mugikortasun arazoak edo toki sakabanatuetan bizi diren 70-79 urteko herritarrei jartzen.
Sendagaien Europako Agentziak Janssenen txertoa segurua eta eraginkorra dela berretsi ostean, Sagarduik atzo ETB1eko "Egun On Euskadi" saioan azaldu zuenez gaur bertan hasiko dira ematean atzo arratsaldean iritsitako txerto honen lehen 6.800 dosiak, eta mugikortasun arazoak edo toki sakabanatuetan bizi diren 70-79 urteko herritarrei emango dietela.
"Jakin nahiko nuke astero Janssenen zenbat txerto bidaliko dituzten", onartu zuen sailburuak; izan ere, txertaketa antolatzeko egokiena zenbait txerto izango dituzten aurretik jakitea da. Aste honetatik datorren astera bitartean, beste horrenbeste dosi iritsiko direla iragarri zuen.
Zalaparta sortzen ari den SMS bidezko hitzorduen sistemaren harian, sailburuak esan zuen Osakidetzak sistema hori talde batzuetan soilik erabili duela, eta harrera ona izan duela, % 60k sistema honen bidez hartu baitu hitzordua. "Ez dut uste esan daitekeenik sistema ez dela ona, baina hobetu daiteke, noski", aitortu zuen.
Pandemiaren bilakaerari dagokionez, oraindik goia jo ez dugula eta egoera benetan larria dela onartu zuen. "Hainbat adierazle aldatu badira ere, joera aldaketarik ez dugu ikusten oraingoz", eta gaineratu zuen hainbat adierazlek erakusten dutela izurritea moteldu daitekeela, "baina ez dakigu noiz".
Felix Zubiak medikuak Euskadi Irratian diagnostikatu gabeko jende asko dagoela esan eta gero, Sagarduik esan zuen PCR probak egiteko aztarnak edo sintomak egon behar direla. "Kutsadura iturriren bat dagoela ikusten badugu, baheketak egiten ditugu. Eta behar izaten denean, herri osoan ere egiten ditugu probak", adierazi zuen sailburuak, eta aztarnarien lanari buruz esan zuen 700etik gora daudela lanean: "Jendeak, oro har, egia esaten du, baina jendea nekatuta sumatzen dute”.
Administrazio publikoko greba deialdiaz ere mintzatu zen, eta, guztiz errespetatzen duela esan eta gero, une honetan lehetasuna txertaketa eta probak egitea dela esan zuen.
Maiatzaren 10ean, alarma egoera amaitu eta biharamunean zer gertatuko den galdetuta, Sagarduik esan zuen erkidegoek tresna jurisikoak behar dituztela erabakiak hartu ahal izateko. "Behintzat, osasun publikoko legea moldatu daiteke tresna juridiko horiek izan ditzagun. Beste erkidego batzuk bat datoz legea moldatzeko beharrarekin epaitegien ebazpenak ekiditeko", gehitu zuen.
Amaitzeko, guztion artean hobetu dezakegun uda bat aurreikusten du sailburuak. "Guk jasotako txerto guztiak jarriko ditugu", azpimarratu zuen.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.