58 kutsatze berri atzeman dituzte Nafarroan, asteko kopururik txikiena
Kutsatzeek behera egin dute azken orduetan Nafarroan, eta 58 positibo berri atzeman dituzte, Foru Gobernuak emandako datuen arabera.
Zehazki, atzo 1.770 proba diagnostiko egin zituzten, eta horietatik % 3,3 positibo izan ziren. Hortaz, positibotasun tasa pixka bat gora egin du (% 3,1ean zegoen).
Kutsatze berriei dagokienez, Iruñean eta bere eskualdean kasu positiboen % 67 erregistratu zituzten, Tuteran % 9 eta Lizarran % 5. Gainerako positiboak (% 19) Nafarroako beste zonalde batzuetan banatzen dira.
Positibo gehien atzeman dituzten udalerriei erreparatuta, Uharte ageri da buruan, lau kasurekin. Hiruna kasu zenbatu dituzte Barañainen, Azkoienen, Ermitagañan eta Arrosadian.
Kasu berrien adin-tarteen araberako banaketari dagokionez, talde nagusiak 30-44 urtekoak (% 42) eta 45-59 urtekoak (% 21) dira. Ondoren, 15 urtetik beherakoen taldea eta 15 eta 29 urte bitartekoen taldea (% 14) dago. Azkenik, 60 eta 75 urte bitarteko taldea dago, kutsatu berrien % 9rekin, eta 75 urtetik gorakoen artean ez da kasurik erregistratu.
Positibo berrien batez besteko adina 35,3 urtekoa da. Generoari dagokionez, kasuen % 56 emakumeak dira eta % 44 gizonak.
Ospitaleetako egoerak egonkor jarraitzen du eta 42 paziente daude ospitaleratuta covid-19arekin Foru Erkidegoko zentroetan; horietatik 12 ZIUetan daude. Atzo lau pertsona ospitaleratu zituten, bat ere ez ZIUetan, eta 71 urteko gizon bat hil da. Nafarroan, 1.189 heriotza izan dira guztira covid-19agatik.
Birusak eragindako infekzioen intzidentzia metatua, eguneroko datuen arabera, 62.312koa da Nafarroan.
427.000 dosi baino gehiago eman dira
Atzo 10.029 dosi eman zituzten (gehien inokulatu den eguna), eta, ondorioz, 427.644 txerto jarri dituzte jada, Nafarroan orain arte jaso diren 466.785 txertoetatik.
Orain arte 160.641 pertsonak osatu dute txertoaren jarraibide osoa, atzo bigarren dosia (3.062) jaso ostean.
Bestalde, Euskadin hobetu egin dira R0 indizea (0,97), intzidentzia-tasa metatua (204 kasu) eta ospitaleetako presioa (83 gaixo ZIUetan eta 155 gela arruntetan). Bestalde, ostegunean 325 positibo berri zenbatu zituzten.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.