Hobetu egin dira Euskadin R0, intzidentzia metatua eta ospitaleko presioa
Covid-19aren transmisioaren inguruko datuek behera egiten jarraitzen dute Euskadin, birsorkuntza-tasak, intzidentzia metatuak eta ospitaleetako presioak behera egin baitute.
Eusko Jaurlaritzako Osasun Sailak emandako datuen arabera, ostegun honetan 7.864 proba diagnostiko egin dituzte (9.070 izan ziren bezperan), eta 325 positibo berri atzeman dituzte, aurreko egunean baino 24 gehiago. Hala, positiboen tasa % 3,3tik % 4,1era igo da.
325 positibo berrietatik 44 Araban atzeman dituzte, 118 Gipuzkoan eta 160 Bizkaian. Gainera, Euskaditik kanpo bizi diren hiru pertsonak positibo eman dute covid-19a detektatzeko probetan.
EAEko ospitaleetan 32 pertsona ospitaleratu dituzte ostegunean, aurreko egunean baino zazpi gutxiago. Hala, 155 lagun daude ospitaleko gela arruntetan, asteazkenean baino sei gutxiago.
Gainera, zainketa intentsiboetako unitateetan (ZIU) 83 gaixo daude guztira, aurreko egunean baino zortzi gutxiago.
100.000 biztanleko intzidentzia metatuaren kasu positiboen tasari dagokionez, ostegun honetan 204,53an zegoen Euskadi osoan (bezperan, 207,75).
Datu horiekin, intzidentzia metatuak gora egiten jarraitzen du Araban, 100.000 biztanleko 149,60tik 154,75era; Bizkaian eta Gipuzkoan, berriz, behera egin du, 217,05etik 210,70era eta 211etik 209,59ra, hurrenez hurren.
Hiriburuetako datuei dagokienez, Gasteizen 152,37 kasu izan dira (asteazkenean baino hamar gehiago). Donostian 179,29 kasu izan dira (184,77 aurreko egunean) eta Bilbon 216,18 (227,43, bezperan).
Oinarrizko birsorkuntza-tasak, kasu positibo bakoitzak zenbat pertsona kutsatzen dituen neurtzen duena, 1etik behera jarraitzen du; horrek adierazten du pandemiaren transmisioa zertxobait kontrolatuagoa dagoela, eta Euskadin 0,97 (-0,02) da.
Arabak jarraitzen du indize horren buruan, nahiz eta 1,14tik 1,08ra jaitsi den, eta atzetik du Gipuzkoa, 1,02tik 0,98ra jaitsi baita; Bizkaiak, berriz, 0,96tik 0,93ra egin du behera.
Intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen du) ere apur bat hobetu da zenbait egunetan datu negatiboak izan ondoren, eta 0,98an dago Euskadi osoan (0,99koa zen aurreko egunean).
69 gela itxita, guztizkoaren % 0,45
69 ikasgela itxi dituzte ostiral honetan Euskadin, aurreko egunean baino zortzi gehiago (% 0,45), Eusko Jaurlaritzako Hezkuntza Sailaren datuen arabera.
Guztira 44 ikastetxek dituzte eskolak itxita, bost gehiagok.
Txertaketa
Guztira, covid-19aren aurkako 1.468.961 txerto eman dituzte orain arte Euskadin; horietatik 557.180 bigarren dosi edo dosi bakarrekoak dira, eta, beraz, txertaketa-pauta bete duten eta dagoeneko immunizatuta dauden pertsonak dira. 50 eta 59 urte bitarteko biztanleen % 69,8k dosi bat jaso dute gutxienez; tasa hori % 92,9ra iristen da 60 eta 69 urte bitartekoen artean, % 97ra 70 eta 79 urte bitartekoen artean, eta % 100era iristen da 80 urtetik gorakoen artean.
Nafarroa
Kutsatzeek behera egin dute azken orduetan Foru Erkidegoan, eta 58 positibo berri atzeman dituzte, Foru Gobernuak emandako datuen arabera.
Zure interesekoa izan daiteke
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Elgeako mendilerroan, Barrundian, piztutako baso sutea kontrolatu nahian ari dira suhiltzaileak
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Bi hegazkin, helikoptero bat, hiru parketako suhiltzaileak eta basozainak ari dira bertan lanean.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.
Huelvako eta Castelloko suteak ezin menderaturik jarraitzen dute
467 lagun ebakuatuta daude oraindik Nieblako suteagatik; Tirigen, berriz, 395 hektarea inguruko eremua erre da eta Cati herria konfinatuta dago.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.