Intzidentzia metatua Euskadin 200 kasutik jaitsi da lehen aldiz abuztutik
Covid-19aren transmisio-datuek hobera egiten jarraitzen dute Euskadin, eta abuztutik izan ez diren balioak erregistratu dira. Intzidentzia metatuak eta positiboen kopuruak ere atzera egin dute lehen aldiz, 2020ko abuztuan erregistratutako balioetaraino.
Zehazki, 181 kutsatze berri atzeman dituzte azken orduetan, eta 100.000 biztanleko 14 egunetan metatutako kasu positiboen tasa 195,66raino jaitsi da EAEn.
Eusko Jaurlaritzako Osasun Sailak emandako datuen arabera, 5.169 proba diagnostiko egin dituzte igandean, eta egindako proben positibotasun tasa % 3,3tik % 3,5era igo da.
181 positibo berrietatik (aurreko egunean baino 24 gutxiago), 31 Araban detektatu dituzte, 54 Gipuzkoan eta 93 Bizkaian. Gainera, EAEtik kanpo bizi diren pertsonei egin dizkieten proben artean, hiru positibo atzeman dituzte.
EAEko ospitaleetan presio asistentziala zertxobait igo da, igandean 17 pertsona ospitaleratu baitituzte, bezperan baino lau gehiago baina ostiralean baino bost gutxiago, eta 140 pertsona daude ospitaleetako gela arruntetan, asteazkenean baino sei gehiago.
Gainera, zainketa intentsiboetako Unitateetan (ZIU) 84 gaixo larri daude, aurreko egunean baino lau gehiago.
100.000 biztanleko 14 egunetan metatutako kasu positiboen tasa 200 kasuetatik jaitsi zen larunbatean (198,39) eta 195,66koa izan da igandean (-2,73 kasu gutxiago).
Indize horrek gora egin du berriro Araban, aurreko egunean ehunen batzuk jaitsi ostean, eta 155 kasuan dago. Bizkaian 200 kasutik jaitsi dira, 198,77ra iritsi baita, eta Gipuzkoan, berriz, 200 kasutik gora jarraitzen du; 202,23an, hain zuzen.
Hiriburuko datuei dagokienez, igandean intzidentzia-tasa metatua 157,61 kasuan zegoen Gasteizen; 181,48an Donostian, eta Bilbon, berriz, 195,39an.
Oinarrizko birsorkuntza-tasa (kasu positibo bakoitzak zenbat pertsona kutsatzen dituen neurtzen du) 1etik behera dago EAEn, 0,88an geratu baita (-0,01); pandemiaren transmisioa kontrolatuago dago, beraz, azken orduetan.
Intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen du) ere zertxobait hobetu da, eta 0,94koa da Euskadi osoan.
Bestalde, Euskal Autonomia Erkidegoan 68 ikasgela daude itxita gaur, covid-19aren ondorioz, 46 ikastetxetan (eskola guztien % 0,48), Eusko Jaurlaritzako Hezkuntza Sailaren datuen arabera.
Txertaketa-erritmoa Euskadin
Guztira, 1.540.094 txerto eman dituzte orain arte Euskadin. Horietatik 614.862 bigarren dosiak edo dosi bakarrekoak dira, eta, beraz, txertaketa-pauta bete duten eta dagoeneko immunizatuta dauden pertsonak dira. 999.423k, berriz, lehen dosia jaso dute.
50 eta 59 urte bitarteko biztanleen % 77,2k gutxienez dosi bat jaso dute; tasa hori % 93,1era iristen da 60 eta 69 urte bitartekoen artean, eta % 15,4ra iristen da 40 eta 49 urte bitarteko EAEko herritarren kasuan, Osasun Sailak astelehen honetan eguneratutako azken txertaketa-buletinaren arabera.
Foru Erkidegoari dagokionez, Nafarroak 39 koronabirus kasu atzeman ditu azken orduetan, Foru Gobernuak emandako datuen arabera.
Zure interesekoa izan daiteke
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzu hori. Osakidetzako zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".