Positiboek 100etik behera egin dute uztailetik lehen aldiz Euskadin
Positiboek 100etik behera egin dute uztailetik lehen aldiz Euskadin. Izan ere, 98 kasu berri atzeman dituzte EAEn, bezperan baino 63 gutxiago, eta bost hamarren jaitsi da positiboen tasa (% 2,4). Intzidentzia-tasa metatuak behera egiten jarraitzen du, 110 kasura hurbiltzen ari baita. Hala ere, R0 indizea 0,86ra igo da, eta 50 pertsona daude ZIUetan.
Eusko Jaurlaritzako Osasun Sailaren datuen arabera, 100.000 biztanleko intzidentzia-tasa metatuak behera egin du berriro, igande honetan 114,29koa baitzen; hau da, larunbatean baino lau puntu gutxiago (118,06). Gipuzkoak du intzidentzia-tasarik baxuena (86,61 kasu), eta atzetik ditu Araba (109,93) eta Bizkaia (125,63).
Bestalde, ez dago 400 kasutik gorako intzidentzia metatua duen 5.000 biztanletik gorako herririk, Zalla (Bizkaia) eremu gorritik atera ondoren.
Birusaren oinarrizko erreprodukzio tasa 0,86ra igo da (0,84koa zen aurreko egunean), ekainaren 6tik izan den kopururik altuena.
R0 indizeak nabarmen egin du gora Bizkaian, 1etik hurbil (0,96) baitago; Gipuzkoan 0,66raino egin du behera; eta Araban, berriz, 0,82ra jaitsi da.
Intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen duena) 0,73koa da (aurreko eguneko bera).
Datuak lurraldez lurralde aztertuta, Bizkaiak 70 positibo berri atzeman ditu (larunbatean baino 32 gutxiago), Gipuzkoak 14 (aurreko egunean baino 17 gutxiago) eta Arabak 12 (aurreko egunean baino 14 gutxiago).
Gela arruntetako ospitaleratze berrien kopurua (16 guztira) eta ZIUetan dauden pazienteena (50) bezperakoen parekoak dira. Horrela, 69 pertsona daude ospitalean, bezperan baino 7 gehiago baina duela astebete baino 27 gutxiago.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.