208 kasu berri atzeman dituzte EAEn, Mallorcako agerraldiarekin lotutakoak batzuk
Covid-19aren pandemiak bezperako datuen antzeko argazkia utzi du ekainaren 26 honetan Euskal Autonomia Erkidegoan. Atzo 6.481 proba diagnostiko egin ziren (PCR eta antigeno testak) eta 208k positibo eman zuten. Positibitate tasa % 3,2koa izan zen, beraz. Aurreko egunean, 217 positibo eta %4,1eko positibitatea izan zen.
Lurraldekako datuak ikusita, Gipuzkoako kasuak Bizkaikoen pare daude bigarren egunez jarraian, beraz, Mallorcako agerraldiaren sokak etenik gabe jarraitzen du, oraingoz. Horri lotuta, baheketa bereziak egiten ari dira asteburu honetan EAE guztian, ekainean Mallorcan izan diren 16-19 urteko gaztetxoen artean.
Zehazki, 22 kasu atzeman zituzten atzo Araban, 91 Bizkaian eta 90 Gipuzkoan. Gainera, beste lurralde batzuetan bizi diren pertsonen artean 5 kasu diagnostikatu zituzten.
Ospitaleetako egoerari dagokionez, 31 lagun ospitaleratu zituzten atzo covid-19agatik, azken 15 egunetako daturik altuena. Une honetan 34 lagun daude ZIUn, bezperako kopuru bera. Ondorengo taulan ikus daiteke zenbat ospitaleratze izan diren azken bi asteotan Osakidetzan:
Behera egin dute kutsatzeek Nafarroan, 35 kasu atzeman baitituzte azken egunean
Covid-19 kutsatze datuek hobera egin dute azken egunetan Nafarroan. Ostegunean 51 positibo berri detektatu bazituzten, atzo, ostirala, 35 pertsonak eman zuten positibo.
1.326 proba diagnostiko egin zituen Osasun Sailak (PCR eta antigeno testen artean) egunean zehar, eta horien % 2,6k eman zuten positibo, Nafarroako Gobernuaren behin-behineko datuen arabera.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.