Txertaketak gora egin du nerabeen artean EAEn: 12 eta 15 urte bitartekoen % 56,3k dute lehen dosia
Koronabirusaren aurkako txertaketa-kanpainak bide onetik jarraitzen du Euskadin; izan ere, 12 eta 15 urte bitarteko nerabeei covid-19aren aurkako txertoaren lehen dosia jarri diete jada, alegia, zortzi puntu baino gehiago egin du gora bi egunetan (% 56,3), eta 16 eta 19 urte bitarteko nerabeen txertaketak hiru puntu egin du gora (% 68).
Eusko Jaurlaritzako Osasun Sailak txertaketa-buletinaren azken datuen berri eman du ostiral honetan. Horren arabera, joan den asteazkenetik 29 urtetik beherako adin-tarteetan izan dira txertaketa berri gehienak.
Hain zuzen ere, agintariek gazteei txertoa jartzeko egindako deiei esker gertatu da inokulazio-erritmo handiago hori. Gainera, Euskadi Irratian azaldu dutenez, azken 10 egunetan 131.000 mezu bidali ostean, 50.000 gaztek baino gehiagok eskatu dute hitzordua datozen egunetan txertoa hartzeko.
Halaber, Osakidetza duela bi hilabete koronabirusa pasatu zuten pertsonekin ere harremanetan jarri da. Hala, 44.000 mezu bidali ostean, ia 13.000 lagunek hartu dute txertoa, eta beste 8.000 gaztek hitzordua eskatu dute.
Atzo bertan, Gotzone Sagardui Osasun sailburuak ikasturte berria hasi aurretik koronabirusaen aurkako txertoa jartzeko hitzordua eskatzera animatu zituen gazteak, eta irailaren 13 ra arte oraindik 71.24 hitzordu libre daudela gogora ekarri zuen. Halaber, Jokin Bildarratz Eusko Jaurlaritzako Hezkuntza sailburuak uste du 12 eta 19 urte bitarteko ikasle gehienek txertoaren dosi batekin hasiko dituztela eskolak.
Eusko Jaurlaritzak emandako datuen arabera, beraz, 12 eta 15 urte bitartekoen % 56,3k dosi bat dute jada, eta % 15,8k pauta osoa (asteazkenean baino 3,5 puntu gehiago).
16-19 urteko nerabeen artean, berriz, % 68k dosi bat hartu dute dagoeneko, eta % 34,6k pauta osoa dute, hau da, 5,3 puntu gehiago bi egunetan.
20 eta 29 urte bitartekoen artean, % 67,6k jaso dute koronabirusaren aurkako lehen ziztada (1,9 gehiago asteazkenetik) eta % 43,9k biak (3,6 gehiago).
Gorakada hori ez da hain nabarmena 30 eta 39 urte bitartekoen artean: % 78,6k lehen dosia hartu dute eta % 68,4k biak. 40 urtetik aurrera, % 87,5 dira pauta osoa dutenak jada, eta 50 urtetik gorakoen artean, berriz, % 90.
Euskadin 3,05 milioi dosi jarri dituzte orain arte, eta 12 urtetik gorako biztanleen % 78,3k du koronabirusaren aurkako txertoaren pauta osoa; % 85,9k, berriz, dosi bat jaso du.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.