Graduko 35.000 ikaslek hasi dute ikasturte berria EHUn
Euskal Herriko Unibertsitateak (EHU) aste honetan abiatu du 2021-2021 ikasturtea, graduko ia 35.000 ikaslerekin. Dagoeneko hasi dira campusetara joaten eta errutina berri bat ezagutzen. Deustuko Unibertsitatean, bestalde, 8.000 lagunek ekingo diote gaur ikasturteari, eta Mondragon Unibertsitatean, berriz, 6.000k.
Graduko matrikularen azken urratsak bete arte, 8.420 ikasle berri matrikulatu dira EHUn. Ikasle berrien % 56 emakumezkoak dira eta % 44 gizonezkoak, unibertsitateak ohar baten bidez jakitera eman duenez. Hizkuntzari dagokionez, % 54,4k euskaraz egingo dituzte graduko ikasketak eta % 45,6k gaztelaniaz.
Datuak lurraldez lurralde aztertuta, % 53 Bizkaiko Campusean matrikulatu dira, % 26 Gipuzkoakoan eta % 21 Arabakoan. Halaber, jakintza-adarren arabera, % 42,1ek Gizarte eta Lege Zientzien adarreko graduetan eman dute izena; % 24,3k, Ingeniaritzan eta Arkitekturan; % 14,4k, Osasun Zientzietan; % 11,4k, Artean eta Giza Zientzietan; eta % 7,8k, Arte eta Giza Zientzietan.
Azken datuen arabera, Fisika + Ingeniaritza Elektronikoko Gradu Bikoitzak izan du gutxieneko nota altuena aurten (13,348), eta hauek daude jarraian: Biokimika eta Biologia Molekularra (13,265); Double Bachelor 's degree in Business and Economics (12,908); Bioteknologia (12,872); Medikuntza gaztelaniaz (12,850); Medikuntza euskaraz (12,848); Zientzia Politikoa eta Kudeaketa Publikoa + Soziologia Gradu Bikoitza (12,804); Ingeniaritza Mekanikoa + Ingeniaritza Elektronikoaren eta Automatikaren Ingeniaritza Gradu Bikoitza (12,704); Fisikako Gradua (12,694); eta Matematikako Gradua (12,664).
Zehazki, ikasturte honetan 103 gradu eskaintzen dira, eta "egokitutako presentzialtasun eredua" mantentzen da, gutxienez % 75eko presentzialtasunarekin jarraitzeko helburuarekin. Testuinguru horretan, ikasturte hasierako ekitaldia datorren asteazkenean, irailaren 15ean, egingo da Gipuzkoako Campusean. Iñigo Urkullu lehendakariak eta Eva Ferreira errektoreak parte hartuko dute ekitaldi horretan.
Enpresetan edo beste erakunde batzuetan egiten diren kanpo-praktikak direla eta, horien garapena bermatzen da, baina praktika horiek gauzatuko diren erakundeek ezarritako neurriak errespetatuko dira une oro.
Halaber, EHUk 108 unibertsitate-master eta 65 master eta graduondo propio eskainiko ditu ikasturte honetan. Bai unibertsitateko masterretan, bai berezko master eta graduondokoetan, matrikula egiteko epea irailaren amaierara arte egongo da zabalik. Doktoregoei dagokienez, 66 programa eskaintzen dira, ezagutzaren adar guztietan.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.