Sute batek 12 autobus kiskali ditu eta beste bat kaltetu, Pesak Lemoan duen garajean
12 autobus kiskali eta beste bat kaltetu dira gaur goizaldean Pesa garraio konpainiak Lemoan (Bizkaia) duen garajean piztu den sute baten ondorioz, Eusko Jaurlaritzako Segurtasun Salak jakitera eman duenez.
05:00ak aldera piztu da sua La Fletxa-Bolumburu industrialdean dagoen gunean ustekabean izandako gertakarian. Miguel Angel Gomez Viar Bizkaiko Foru Aldundiko Garraio eta Mugikortasun Jasangarriko diputatuak argi utzi nahi izan du ez dela nahita eragindakoa izan: "Azken autobusa, Bolueta Metro geltokiko zerbitzua egitetik zetorrena aparkatu dutenean, hozte sistema eta aire girotua doazen sabaiko goiko aldetik sugarren bat ateratzen zen, eta hortik zabaltzen joan da, autobus horiek guztiak harrapatuz. Ezbeharra izan da".
Foru diputatuak eskerrak eman dizkie langileei zein berehala bertaratu diren suhiltzaileei euren lanari esker sua nahiko denbora motzean kontrolatzea lortu baitute, sugarrak bulegoetara iritsi aurretik.
Zorionez, ez da inor zauritu baina kalte materialak handiak izan dira, 4 milioi euro ingurukoak. "Kaltetutako 12 autobus arruntak dira, 350.000 euro inguru balio dutenak, eta bestea, hibridoa, 500.000 euro ingurukoa", azaldu du Gomez Viarrek.
Bizkaibus normaltasunez arituko da astelehenean
Bizkaiko Garraio eta Mugikortasun Iraunkorreko diputatuak ziurtatu duenez, Bizkaibusek normaltasun osoz eskainiko du zerbitzua astelehen honetan: "Zerbitzuak ia egun arrunt batean bezalakoak izango dira. Enpresa kaltetua Avanza taldearena da, Durangaldeko zonaldea egiten du, eta zerbitzu guztiak ateratzen saiatuko da. 81 autobus dituzte, eta astelehena, eskaera handieneko eguna, 75 autobusekin egiten dute. Beraz, 6 geratuko dira soberan eta zerbitzu guztiak emateko behar diren beste 7ak beste konpainia batzuetako autobusekin osatuko dira".
Beraz, Bizkaiko Foru Aldundiak zerbitzua bermatuta izango dela azpimarratu du.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".