Eusko Jaurlaritzak alerta fasean kokatu du uholde arriskuagatik aktibatutako plana
Eusko Jaurlaritzak asteazken gauean jakinarazi du EAEko Uholdeen Ziozko Larrialdiko Plan Bereziaren alerta-fasea aktibatu duela uholde-arriskuaren aurrean, ibaien oraingo egoera eta datozen orduotarako aurreikusten diren prezipitazio iraunkorrak kontuan hartuta. Osteguneko 09:00ak eta ostiraleko 15:00ak bitartean, EAE alerta laranjan izango da, euriagatik.
Jarraitu denboralea zuzenean, hemen.
Alerta-fase hori, Jaurlaritzak zehaztu duenez, "adierazi ez diren baina gerta daitezkeen larrialdiak aurreikusten direnean aktibatzen da, hau da, egoera ikusita, eta egoera horrek okerrera egiten badu, larrialdi hori gerta daitekeela ikusten denean". Fase horrek, besteak beste, egoeraren etengabeko jarraipena egitea dakar.
Halaber, ibai-arroen eta Zadorrako sistemako urtegien (Uribarri-Ganboa, Urrunaga eta Bostibaieta) egoeraren etengabeko jarraipena egiten ari dira.
Elurra eta euria
Eusko Jaurlaritzak meteorologia-abisu batzuk ditu indarrean, denboralearen bilakaera ikusita. Hain zuzen ere, osteguneko 09:00ak arte, indarrean izango da abisu horia elurragatik; 600-700 metrora egingo duela iragarri dute, baina pixka bat beherago ere ari da botatzen, Gasteizen kasu. Arabako hiriburua zuriz jantzi da asteazkeneko azken orduetan.
Aurreikuspenen arabera, elur-mailak nabarmen egingo du gora goizetik aurrera, baina euriak sortuko du orduan kezka handiena; izan ere, osteguneko 09:00etatik ostiraleko 15:00etara, alerta laranja izango da indarrean, prezipitazio handiak esparo baitira.
Testuinguru horretan, Bilboko Udalak gomendatu du autorik ez aparkatzea uholdeak egon litezkeen guneetan, eta ez du baztertzen Itsasadarrak gainezka egitea hirian. Hortaz, adi izango da, gerta litekeen edozer gertakariri aurre egiteko.
Udalak ohiko prebentziozko neurriak hartzeko eskatu die herritarrei; ahal izanez gero, errepide bidezko joan-etorriak saihesteko, besteak beste. Hori bai, autoa erabili behar izatekotan, kontu handiz egiteko eskatu du, batez ere toki zabalak, lurpeko pasabideak eta urak harrapatzeko arriskua duten eremuak zeharkatu behar izanez gero.
Gainera, urak hartu dituen espaloi eta errepideetatik ez ibiltzeko eskatu du, erortzeko arriskua dagoelako, eta luiziak izateko arriskua dagoen tokietan kontuz ibiltzeko.
Gainera, osteguneko 07:00etatik 09:00etara, abisu horia izango da kostaldean, olatu handiak egongo baitira; hain zuzen, olaturik handienen batez besteko altuera 3,5-4 metrokoa izango da ordu horietan. Halaber, ostegunean eta ostiralean, abisu horia izango da lehenengo bi milietan, nabigaziorako.
Une oro eguraldiari buruzko informazio eguneratua kontsultatzeko eta zure argazkiak bidaltzeko aukera duzu eitb.eus-en.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.