Osakidetzaren 2018-2019ko LEParen lehen fasearen amaierari ekingo diote asteburu honetan Barakaldoko BECen
Osakidetzaren 2018-2019ko Lan Eskaintza Publikoaren lehenengo fasearen azken azterketak egingo dituzte asteburu honetan Barakaldoko BEC-en. 1610 plaza lehian, administrarientzat, fisioterapeutentzat, gizarte langileentzat eta laborategiko teknikarientzat, besteak beste, izango dira asteburu honetako probak.
Lehenengo fase honen hasierako azterketak ekainaren 18an eta 19an egin zituzten, Gasteizen, Lehen Arretako profesionalentzat (familia-medikuak, pediatrak, emaginak...) eta Erizaintzako hainbat espezialitateentzat (lan osasunekoa edo osasun mentalekoa), hain zuzen ere.
Larunbat honetan, berriz, administrarien, fisioterapeuten, gizarte langileen eta laborategiko teknikarien txanda izango da; eta erizainena eta radiodignostiko teknikariena, ordea, igandean. Hona hemen kategoria bakoitzaren azterketa-ordutegia:
LARUNBATA, 2022KO UZTAILAREN 2A
09:30ean
ADMINISTRARIA
13:30ean
FISIOTERAPEUTA
GIZARTE-LANGILEA
17:30ean
LABORATEGIKO TEKNIKARIA
IGANDEA, 2022KO UZTAILAREN 3A
09:30ean
ERIZAINA
13:30ean
ERRADIODIAGNOSTIKOKO TEKNIKARIA
Plaza batengatik lehian dabiltzan hautagaiei kemen mezua helarazi die Gotzone Sagardui Osasun sailburuak. LEP horren antolakuntzan Osakidetzak abiatutako ahalegina azpimarratu du, enplegu publikoaren kalitatearekiko eta egonkortasunarekiko Osakidetzaren eta Eusko Jaurlaritzaren konpromisoaren eta borondatearen isla delakoan. "Euren lanpostuetan gure langileek egonkortasuna eta segurtasuna irabaz ditzaten nahi dugu", adierazi du sailburuak.
Lan Eskaintza Publiko honen ostean, beste bat izango da azaroan eta abenduan, 63 kategoriatako 1.924 plazarekin. Osakidetzaren 2018-2019ko LEPak, guztira, 3.535 plaza eskaini ditu, eta horietara 38.654 pertsona aurkeztu dira.
Albiste gehiago gizartea
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.
Calin erail duten gasteiztarraren gurasoak gaur iritsiko dira Kolonbiara
Ikerketak zabalik jarraitzen du eta lapurretarena da hipotesi nagusia.