10.000 plasma-emaile behar dira Euskadin, gaixo askok "B planik ez dutelako"
Lehen Mailako Defizit Immunitarioen Espainiako Elkarteak (Aedip) EAEko herritarrei dei egin die Euskadin 10.000 plasma-emaile lortu ahal izateko, haren esanetan, "bizitza ematea baita, immunoeskasiak pairatzen dituzten gaixoek odolaren osagai horrekiko erabateko menpekotasuna dutelako, hau da, "B planik ez dutela".
Carlos Jimenez Aedipeko presidenteak eta Imanol Garcia elkartearen EAEko presidenteak ohartarazi dutenez, gaixo hauek bizi duten egoera larria da, eta funtsezkoa da plasma-emaile kopurua handitzea. Immunoeskasien kasuan "ez dago ordezkapen terapeutikorik, eta plasmarekiko menpekotasuna dute, ezin dutelako beste sendagairik erabili".
Aedipeko ordezkariak azaldu dutenez, plasma-emaile kopuru hori handitzeko helburuz, kanpainak ere abiatu ditu Osakidetzak. "10.000 plasma-emaile inguru behar lituzke Euskadik", zehaztu dute. "Ezin dugu AEBetatik egindako inportazio masiboekin jarraitu", azpimarratu dute.
Plasma emateko gune berriak Azkoitian eta Arrasaten
"Osakidetzarentzat lehentasunezkoa da plasma-ematea, eta plasma jasotzeko puntu berriak antolatzen ari da Azkoitian eta Arrasaten", azaldu dute, "horiek lehenengoak, baina gehiago egongo dira". Egun, plasma eman daiteke Galdakaoko Ospitalean, Durangon, Gasteizen, Bilboko Etxaniz Suhiltzailearen Osasun Zentroan, Donostian eta laster, Azkoitian eta Arrasaten.
Zelan eman daiteke plasma?
Euskadiko Odol Emaileen elkartearen arabera, likido gardena plasma, eta odolaren bolumen osoaren % 55a. 70 kiloko pertsona batek 5 odol litro inguru ditu eta horietatik 3 plasma dira.
Plasman odol-zelulak aurki ditzakegu: globulu gorriak, globulu zuriak eta plaketak. Bere osaketaren % 90 ura da, gehi gatz mineralak eta proteina asko, zeinek gure organismoaren funtzionamendu ona zaintzen duten.
Plasma baino ez ematean, hau da, "plasmaferesia" egitean, odola erauzten da, banatzaile zelular baten bidez odol-zelulak banatzen dira, plasma gordetzen da eta gainerakoa bide beretik emaileari itzultzen zaio.
Donazioak 40-50 minutu iraungo du. Plasma gehien bat ura denez, emailearen suspertzea oso azkarra da, hori dela eta sarriago eman dezake. Hilabetero eman dezakezu plasma. Plasma eman dezakezu 18 eta 65 urte bitartekoa bazara, 60 kg baino gehiago pisatzen baduzu eta osasuntsu bazaude.
Ikusi hemen non eman daitekeen plasma.
Zure interesekoa izan daiteke
Artxandako funikularra itxi egin dute hiru egunez, mantentze lanak direla eta
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.