Musukoa ez da derrigorrezkoa izango ospitale, farmazia eta zentro soziosanitarioetan
Lurralde arteko Osasun Batzordeak babestu egin du gaur musukoak osasun zentroetan, ospitaleetan eta farmazietan nahitaez erabili beharra behin betiko kentzea, eta, beraz, zentro horietan oro har erabiltzeari utziko zaio, baina arnas infekzioaren sintomak izatekotan oraindik jartzea gomendatzen da.
Jose Miñones Osasun ministroak arloko kontseilariekin adostu du neurria Lurralde arteko Osasun Batzordean. Duela aste batzuk hainbat erkidegok, tartean Madrilek, eskatu zuten erabaki hori, eta apirilaz geroztik ospitale, farmazia eta eguneko zentroen barruan musukoa kentzea aldarrikatu zuten.
Horrela, Espainiako Estatuak eremuren batean musukoa nahitaez erabiltzeko 1.140 egun baino gehiagoko betebeharrari amaiera emango dio. Izan ere, Ministroen Kontseiluak, ziurrenik, datorren astean araudi berria jasoko duen errege-dekretua onartuko du.
Fernando Simon doktorea buru duten Osasun Alerta eta Larrialdiak Koordinatzeko Zentroko adituen txosten teknikoa aztertu ondoren hartu da erabakia.
Nolanahi ere, Miñonesek azken asteetan adierazi duen bezala, musukoak nahitaez erabili behar dira oraindik ezaugarri bereziak dituzten eta immunodeprimitutako pazienteak dauden osasun-eremu batzuetan, hala nola zainketa intentsiboetako unitateetan, onkologikoen eremuetan, ebakuntza-geletan edo larrialdietan.
Neurria uztailaren 23ko Hauteskunde Orokorretarako kanpainaurrean hartu izana "elektoralistatzat" jo dute PPren esku dauden erkidegoek.
Orain arte, maskarilla erabiltzea derrigorrezkoa zen osasun zentro eta zerbitzuetan, hala nola ospitaleetan, osasun-zentroetan, hortz-kliniketan, ugalketarako zentroetan, haurdunaldia borondatez eteteko zentroetan eta arreta espezializatuko beste zentro batzuetan.
Farmazietan eta adinekoen egoitzetan ere erabili behar ziren, baina azken toki horretan bertan lan egiten duten profesionalentzat bakarrik zen derrigorrezkoa, baldin eta egoiliarrekin harremanetan edo bisitarientzat eremu partekatuetan bazeuden.
Duela lau hilabete, otsailaren 8an, geratu zen bertan behera Espainian garraio publikoetan musukoak nahitaez erabiltzeko derrigortasuna.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.