Ministroen Kontseiluak ez du gaur onartuko musukoa osasun-etxeetan kentzea

Osasun etxe, eritxe, farmazia eta bestelako egoitza sozio-sanitarioetan musukoa erabiltzeko agindua ez du Espainiako Ministroen Kontseiluak gaur atzera botako. Hala argitu zuen Espainiako Osasun ministroak, Jose Miñonesek. Bere hitzetan, "kontua ez da musukoaren erabilpena soilik", neurri hau "osasun krisi baten aurrean jarduteko dekretu zabalago baten baitan dago" eta "ongi informatzeaz gainera, dagozkion administrazio-izapide guztiak egikaritu behar dira". "Ahal bezain azkar" egingo dela baieztatu du.

Gobernuaren eskariz, Osasunaren Lurralde Arteko Kontseiluak, joan zen ostiralean baieztatu zuen osasun etxe, erietxe, farmazia eta bestelako egoitza sozio-sanitarioetan musukoa derrigorrez erabiltzeko neurria atzera botatzea. Gaixo kritikoak dauden erietxeetako guneetan soilik izango da derrigorrezkoa. Hala ere, arnas-infekzio sintomak dudenean musukoa erabiltzeko egomendioa egin zaio biztanleria osoari.

Ministroak ere gomendio horri heldu dio bere adierazpenetan. Gobernuak "bereziki gomendatzen du" musukoa erabiltzen jarraitzea eta biztanleriari "arduratsua" izateko deia egiten dio. Unean uneko egoerarekin "sentikorrak izatekoa deia egin du, birusa oraindik presente baitago".