Igandeko ekaitzak Nafarroa ekialdean eta Durangaldean izan du eragina, batik bat
Atzoko azken orduetako ekaitz bortitzen ostean, igande honetan bide beretik jarraitu du eguraldiak, egunaren bigarren zatian bereziki. Arratsaldean zehar, euri zaparrada mardulak egin ditu Nafarroa ekialdean eta Durangaldean, batik bat.
Larunbat arratsalde-iluntzean ekaitzak gogor jo zuen Bizkaian, eta euri eta txingor oldeak kaleak urez estali zituen Bilbon, Txorierrin eta Nerbioi-Ibaizabal inguruan, eta gaurko lehen ekaitzak ere bertatik sartu dira, ekialdean gogorrago jo duten arren.
Eusko Jaurlaritzako Segurtasun Sailak amaitutzat eman du 19:00ak aldera Euskal Autonomia Erkidegoan arratsaldeko ordubietatik prezipitazio handiengatik ezarritako abisu horia. Izan ere, ordubetean 25 litro pilatu dira Gorbeian, euri gehien bota duen eremuan alegia.
Gainera, Bernan 19,8 litro bota ditu arratsaldean ordubetean, Mañarian 13,5, Urkiolan 13 eta Iurretan 12. Ur putzu handiak egin dira Iurreta, Durango edo eta Abadiñon, eta zuhaitzak ere bota ditu haizeak, besteak beste, Urkiola inguruan.
AP-8 errepidean, Eibar parean, Bilborako noranzkoan errei bat itxita egon da errepidera eroritako zuhaitz batek traba egiten zuelako, eta beste hainbeste gertatu da Abadiño aldean, Donostiarako noranzkoan.
Nafarroan ere, Ezkurrako basoan, halaxe gertatu da, Luis Dadebat Imaz erabiltzaileak bidali digun argazkian ikusten denez.
Gainera, Nafarroako suhiltzaileek Esteribarren esku hartu behar izan dute eroritako zuhaitz bat kentzeko.
Bizkaiko suhiltzaileek, bestalde, hainbat irteera egin behar izan dituzte Durangaldean, euriak eragindako arazoei aurre egiteko. Iurretan eta Durangon arratsalde hasierako ekaitzen ondorioz pilatutako ura kentzen ari dira.
Markinara ere iritsi da ekaitza, eta, euriaz gain, haizea nagusitu da. Gogor astindu du ingurua, Ricardo Barrutia EITB Mediako erabiltzaileak arratsaldeko lehen orduan grabatutako bideoan ikusi daitekeenez.
Beranduago, Nafarroan sartu eta Erribera eta zentro-ekialdea zeharkatu ditu, zenbait herri gogor astindu dituelarik. Ekialdean, Zangoza inguruan hasi da euri-jasa, tarteka baita txingorra ere, eta, inguru horretatik gorantz, Pirinioetaraino iritsi da ekaitza.
Hainbatetan izan da euri erauntsia arratsaldean zehar; ur-putzu handiak sortu dira nonahi, eta Leireko monasterio barrura ere sartu da ura. Ezkarozen, esaterako, argindarrik gabe geratu dira.
Ekaitz bortitzek Nafarroako ekialdea ekortu dute, eta erdialdeko eremuetan metro koadroko 30-50 litro pilatu dira bi ordutan, AEMET agentziaren arabera. Txingor handia ere egin du.
Unera arte, ez da gorabehera garrantzitsurik izan, baina suhiltzaileak hainbat lekutan ari dira lanean, ura txikitzen edo garbitzen, Artiedan adibidez.
17:20 aldera euria eta haizea indartsu iritsi dira Zaraitzu bailarako Jaurrieta herrira, Nieves Urmenetak hartutako irudietan.
German Gorraiz EITB Mediako erabiltzaileak Otsagabia astindu duten zaparrada mardulak grabatu ditu.
Meteorologia zerbitzuek hainbat abisu eta alerta ezarri dituzte igande honetarako Euskal Herrian, prezipitazio handiengatik. Hala, Euskal Autonomia Erkidegoan 14:00etatik 19:00etara egon da indarrean abisu horia, eta 15:00ak eta 00:00ak bitarte egongo da, berriz, Nafarroan. Ipar Euskal Herriari dagokionez, 21:00etan bertan behera gelditu dira abisuak.
Zure interesekoa izan daiteke
Jaurlaritzak Bero Plana abian jartzea aurreratu du, tenperatura altuen eraginez
Irailaren 30era arte egongo da indarrean, eta hiru ardatz ditu: eguraldi iragarpenak, osasun zaintza eta herritarrentzako oharrak.
ETS taldeko buru Iñigo Etxezarreta izango da pregoilaria Andre Maria Zuriaren jaietan
Gasteizko Udalak nabarmendu du “musikari, euskarari eta kulturari egindako ekarpena”.
Espetxera bidali dute, behin-behinean eta fidantzarik gabe, emaztea hiltzeagatik Arguedasen atxilotu zuten gizonezkoa
Epaileak erabaki hori hartu du ihes egiteko arriskua handia delako, besteak beste, hilketa delituagatik 25 urtera arteko espetxe zigorra ezarri baitaiteke.
Ertzaintzak 71 urteko gizon bat atxilotu du Azpeitian, haur-pornografiako 110.000 artxibo informatiko zituelako
Ikerketan baieztatu egin dute atxilotuak aurrekariak zituela halako delituengatik, 2011n eta 2014an ere atxilotu zuten.
19 atxilotu Bilbon eta Donostian, migratzaileak dokumentu faltsuekin erregularizatzeko gestoria-sare batean
Desegindako sareak 5.000 eta 10.000 euro artean kobratzen zien migratzaileei eta lau gestoria daude tartean: bat, Gipuzkoan, eta gainerakoak, Bizkaian. Atxiloketak duela bi aste inguru egin zituzten, migratzaileen ezohiko erregularizazio prozesua baino lehen hasitako operazio baten baitan.
Europako kontsumitzaileek Google, Meta eta TikTok salatu dituzte Europako Batzordearen aurrean, finantza-iruzurrak iragartzeagatik
Salaketa Europako hamahiru herrialdetako teknologien publizitate-politika aztertu eta 2025eko abendutik 2026ko martxora bitartean ia iruzurrezko 900 iragarki atzeman ondoren etorri da. Salatzen dutenez, iragarkiak ez ezabatzeaz gain, konpainiek ez dute irmo jokatzen iruzur-mota horren berri ematen zaienean.
Albiste izango dira: Beroa heldu da; Zapatero, ikerketapean, eta tentsioa, Kuban
Gaurkoan Orain-en albiste izango direnen laburpena, bi hitzetan.
Auto-ilarak N-1 errepidean, Ordizian, kamioi batek matxura izan duelako
Auto-ilarek Gasteizerako noranzkoan dute eragina. Matxuratutako ibilgailua zirkulazio-arazoak eragiten ari da errepidean.
Azala ez da eguzkitara “moldatzen”: mito faltsuak, dermatologoek gezurtatuta
Begoña Ramos dermatologoak eguzkiaren inguruko mito faltsuez ohartarazi du, eta larruazala eguzkitik babesteko eta epe luzean kalteak prebenitzeko gakoak eman dizkigu.
Azokak eta landare hazitegiak jendez beteta, udako ereite sasoiari ekiteko
Neguko eta udako baratze arteko zubia izaten da maiatza; azken ilarrak, azak eta babak jaso ondoren, udako barazkiak landatzeko hilabetea izaten da. Ohi baino beranduago, baina eguzkia atera orduko, jendetza inguratu da azoka eta landare hazitegietara, baratzerako hazi bila.