Kanpaina solidarioa Basaurin, Thailandian gaixorik dagoen herrikidea etxeratzen laguntzeko
"El Maño" Basauriko Basozelai auzoko auzokideen elkarteak "Ayúdanos a traer a Alex a casa" (Lagun iezaguzu Alex etxera ekartzen) kanpaina solidarioa jarri du martxan, Thailandian gaixorik dagoen herritarra aberriratzen laguntzeko. Alex Garcia Galas, jaiotzez basauriarra eta Donostiako bizilaguna, pankreatitis akutuak jota ospitaleratu behar izan zuten Thailandian.
Auzo-elkarteak auzoan bertan bizi den familiari lagundu nahi dio kostu ekonomiko handiari aurre egiten, tratamenduaz gain, hura euren kasa ekartzeko saiakera garestia izan delako, Basauriko Udalak jakitera eman duenez.
Duela egun batzuetatik, auzoko nahiz herri osoko saltoki, taberna eta jatetxeetan dirua biltzeko itsulapikoak jarri dituzte, "Lagun iezaguzu Alex etxera ekartzen" leloarekin.
84 dituzte jarrita oraingoz, baina, eskaerak bultzatuta, gehiago jarriko dituztela iragarri du Gorka del Rio "El Maño" Basozelaiko auzokideen elkarteko kideak, eta "itsulapiko sorta berri bat iristeko zain" daudela.
Gainera, apirilaren 27rako eta 28rako, ekitaldi solidarioak antolatu dituzte, diru gehiago biltzeko asmoz.
Hilaren 27an, larunbatean, arratsaldez, Solabarria plazan, haurrentzako parkea jarriko dute, puzgarri eta guzti; izan ere, Alex Garciaren familiak haurrentzako ekitaldiak antolatzeko enpresa bat du. Sarrerak prezio sinbolikoa izango du.
Gainera, igandean, hilaren 28an, hitzordu gastronomikoa izango da San Jose ikastetxeko patioan. 12:00etatik aurrera, urdaiazpiko moztailea izango da, eta, ondoren, paella solidarioa. Paella plater bat, edaria eta ogia emango dituzte, "prezio herrikoian", eta barra eta musika izango dira.
Bi egun solidarioetan, bereziki igandean, errifetarako txartelak salduko dira. Zozkatuko diren produktuen artean, herriko dendariek emandakoak daude. Igandean, 18:00etan, bingo solidarioa izango da, eta saria Iker Muniainek emandako Athleticen kamiseta bat izango da.
"Basuriarrek beti erakutsi izan dugu, gure bizilagun batek beharra duenean, dena ematen dugula laguntzeko, eta, beraz, ahalik eta diru gehien biltzea espero dugu", esan dute Basozelaiko auzokideek. Gaineratu dutenez, Alex laster etxeratuko dutela dirudien arren, "Alexek eta familiak jaso dezaketen laguntza guztiak ongietorriak izango dira, gastu handiei egin behar dietelako aurre".
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.