Suhiltzaile bat hil eta beste bat zauritu da Leonen, sute bat itzaltzeko lanetan
Hala, lau dira jada Iberiar penintsulan piztutako suteen ondorioz hildakoak, horietako hiru Leongo probintzian. Laugarren biktima asteartean hil zen Tres Cantosen (Madril), erreduren ondorioz.
Suhiltzaile bat hil eta beste bat zauritu da Leongo Espinoso de Compludo udalerrian, ponpa-auto bat iraulita, Ponferrada eskualdeko Yeres herriko sutea itzaltzeko lanetan.
Ezbeharra igande honetako 22:30 aldera jazo da, ponpa-autoa lubeta batetik erorita. Hildako suhiltzailea horren gidaria zen, eta, zauritutako beste suhiltzailea bezala, suteen aurkako operatiboko kidea eta Gaztela eta Leongo Juntako langilea zen.
Hala, dagoeneko lau dira Iberiar penintsulan piztutako suteen ondorioz hildakoak, horietako hiru Leongo probintzian. Laugarren biktima asteartean hil zen Tres Cantosen (Madril), erreduren ondorioz.
Sua aurrera doa kontrolik gabe: Europako mendiak, alerta egoeran
Bitartean, baso-suteek Iberiar penintsulako ipar-mendebaldea kiskaltzen jarraitzen dute. Uneotan, sua Europako mendietako parke naturalera iristear da, bereziki, iparraldean, eta Galizia eta Extremadurako erkidegoetan kiskalitako hektareak gora jarraitzen dute.
Ourense probintziako suteek 58.500 hektarea kiskali dituzte jada, eta Extremaduran kalte gehien eragin dituen Jarillako suteak 11.000 hektarea lur erre ditu. Leonen ere oso kezkagarria da egoera, eta 2.000 pertsona ebakuatu behar izan dituzte 60 udalerritan.
Horrez gain, Madril eta Galizia arteko tren-zirkulazioak etenda jarraituko du, suteen egoera dela eta.
Ildo horretatik, suteen eraginez beren etxetik atera behar izan dituzten milaka pertsona etxeetara bueltatu ezinik jarraitzen dute Leon, Palentzia, Zamora eta Salamanca bezalako udalerrietan. Gainera, baliteke pertsona gehiago ebakuatzea datozen orduetan.
Gaztela eta Leonen une honetan kezka gehien eragiten duen sutea Jarillan (Caceres) dago; haizeak eta tenperatura altuek oso erraz zabaldu baitituzte garrak.
Asturiasko suteek, berriz, bilakaera "hobea" izan dute azken orduotan, baina alertak maila gorenean jarraitzen du eta suhiltzaileek tinko jarraitu beharko dute inguruan lanean.
Guztira 27 pertsona atxilotu eta 92 ikertu dituzte ekainaren 1ean baso-suteen aurkako kanpaina hasi zenetik.
Gizarteari buruzko albiste gehiago
Beloradoko moja ohiek Mario Iceta artzapezpikuaren aurka jarritako salaketa artxibatu dute
Erabaki horrek bat egiten du Beloradoko monasterioko moja ohien utzarazpena aldi baterako geldiaraztearekin. Erlijiosoek errekurtsoa jarri duten arren, Artzapezpikutzak eskatu du utzaraztea behin-behinean exekutatzeko, eta gogorarazi du lau kasutan bertan behera geratu dela neurria.
Adituen txosten baten arabera, "gaintentsioaren kateatutako erorikoak" izan ziren itzalaldiaren arrazoia
Elektrizitatea Garraiatzeko Sareen Kudeatzaileen Europako Sareak (Entso-E) apirilaren 28ko gertakariak zerrendatzen dituen txosten bat aurkeztu du. Egun hartan gertatutakoa "erabat berria dela Europan" zehaztu du eta ez du uste energia berriztagarrien ekoizpenak sortu zuenik.
Getariako atun gorriaren haztegian gizendutako lehen aleak portura eraman dituzte
Gezi moduko lantza bat erabili dute atun horien estresa txikitu eta haragia ahalik eta gozoena izan dadin. Atun gorriak portura eraman dituzte, eta bertan pisatu, neurtu eta aztertu dituzte. Orain, proiektua fase berri batean sartuko da.
Dagoeneko 12 familiak jarri dute salaketa Bernedoko kanpalekua dela eta
Sexu-askatasunaren aurkako aurreko lau salaketei beste zortzi gehitu zaizkie orain, EITBk jakin ahal izan duenez. Halaber, ikerketa judiziala hasteko aurretiazko eginbideak ireki dituzte berriki.
70 talde feministak baino gehiagok eta LGTBIQ+ taldeak Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.