Hodeiak, euri txikia eta tenperatura freskoak, uztaila agurtzeko
Zarautz, artxiboko irudi batean. Argazkia: Lorentxo Portularrume
Udako giroak baino, udazkenekoak markatuko du astearen hasiera, sasoi honek ez baitu beti eguzkia ekartzen Euskal Herrira.
Euskalmeten arabera , astelehen honetan, uztailaren 28an, hodei ugari eta euri txikiak izango dira, batez ere iparraldean, bai Kantauri isurialdean, bai Ipar Euskal Herriko eta Nafarroako iparraldeko zati handi batean.
Euria sarriago eta ugariago egingo du Kantauri itsasoko kostaldean eta barnealdean; Nafarroako hegoaldean eta Ebroko Erriberan, berriz, zerua oskarbiago egongo da eta ez du prezipitaziorik botako.
Haizeari dagokionez, iparraldekoak eta ipar-mendebaldekoak gogor joko du, eta arratsaldean bolada gogorrak izango dira barnealdean.
Tenperaturak fresko mantenduko dira, eta maximoak eta minimoak epelak izango dira. Hain zuzen ere, hiriburuetan 20 ºC inguruko balioak espero dira: Bilbon, 17 ºC-ko minimoa eta 22 ºC-ko maximoa; Donostian, 16 ºC eta 20 ºC; Vitoria-Gasteiz, 12 ºC eta 20 ºC; Baionan, 17 ºC eta 21 ºC; eta Iruñean, 16 ºC eta 20 ºC.
Kostaldean, iparraldeko haizeak itsaskirria eragingo du, 0,5 eta 1 metro arteko olatuak altxatuko dira, eta uraren tenperatura 23 ºC-koa izango da.
Bien bitartean, astearteak ez du aldaketa askorik ekarriko: giro hodeitsuak jarraituko du iparraldean, tarteka euri txikia egingo du, eta zerua garbiago egongo da hegoaldean, batez ere eguerditik aurrera.
Baliteke tenperaturak apur bat gora egitea barnealdean, baina kostaldean orain artekoari eutsiko dio. Gainera, iparrak agintzen jarraituko du, eta ziertzoa izango da Ebroko haranean.
Asteazkenak antzera joko du. Zerua hodeitsu egongo da, batez ere ipar partean, eta euria egingo du, tarteka. Hegoaldean giroa argiagoa izango da. Ipar-mendebaldeko haizea gailenduko da berriz ere, eta tarteka zakar ibiliko da Ebroko haranean. Freskotik jarraituko du eta tenperatura maximoak ez dira asko aldatuko.
Zure interesekoa izan daiteke
Giro oso estalia eta freskoa asteko lehen egunetan
Gutxienez ostegun arratsaldera arte ez da eguzki konturik izango gurean. 20 graduz azpiko tenperaturak izango ditugu ordura arte, eta gutxi bada ere, busti egingo du, batez ere goizetan euri zirina egingo baitu.
Nola bizi zituzten eklipseak gure arbasoek?
Munduko kultura askotan eguzkia gurtu izan da ia jainko bat bezala. Naturalena gauez ezkutatu eta goizean itzultzea zen. Horregatik, egunez eklipse bat ikustea beldurgarria izan da urte askotan munduko ia kultura guztientzat.
Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Lainoak, eguzkia joan-etorrika eta euri zirina
Eguraldia aldakor ibiliko da datozen egunetan. Orokorrean, ez du asko bustiko, baina euritarako joera egongo da hainbat egunetan. Eguzkia ere azalduko da tarteka, eta tenperaturak gorabeheratsu ibiliko dira, egunaren arabera.
Eguzki eklipse osoaren hiru fenomenoak ikusgai, errealitate areagotuari esker
Bailyko perlak, diamante eraztuna eta eguzki koroa ikusgarria abuztuaren 12ko 20:27tik aurrera ikusi ahal izango dira. Eguraldiko lantaldeak fenomeno horiek erakutsi dizkigu gertakari astronomiko garrantzitsu horri buruzko erreportajeen hirugarren atalean.
Amaitu da beroaldia, Arabako eta Nafarroako hainbat tokitan salbu
Tenperatura maximoak 10 gradu inguru jaitsiko dira kostaldean, eta altuenak 25 gradutik behera kokatuko dira. Barnealdean, oro har, 25 eta 30 gradu artean ibiliko dira altuenak, baina Arabako Errioxan eta Nafarroako Erriberan 35 gradutik gorakoak izan litezke.
Bero itogarria zazpigarren egunez, nahiz eta kostaldean brisak atseden pixka bat eman duen
Kantauri isurialdeko barnealdeko bailaretan neurtu dituzte maximoak. Laudio, esaterako, 38,5 gradura iritsi da, inoiz maiatzean izan den altuena. Bihar, osteguna, alerta laranjan jarraituko dugu tenperatura altu iraunkorrengatik.
Alerta laranja ezarri dute beroagatik, baina kostaldean brisa sartu eta tenperatura maximoak jaitsi egingo dira
Barnealdean tenperatura maximoak bere horretan mantenduko dira. Ostegunean berriro alerta laranja aktibatuko da eta ostiralean maximoak nabarmen jaitsiko dira.
Beroak ez du atsedenik ematen eta tenperatura minimo historikoak utzi ditu
Gaua tropikala izan da, batez ere kostaldean eta isurialde kantauriarrean. EAEko lau estazio meteorologikoek minimo historikoak errejistratu dituzte, udan ere inoiz ez dira hain tenperatura altuak jaso. Ondoren, egunean zehar, hainbat udalerrik 35 ºC-ak gainditu dituzte, nahiz eta maiatzean egon.
Beroagatik alerta laranja ezarriko dute asteazkenean eta ostegunean
Eusko Jaurlaritzak baso sute arriskuagatik ere abisu horia ezarriko du, tenperatura altuei hegoaldeko haizea gehitu beharko zaielako.