Tenperatura maximoak 40 ºC-ra iritsi dira barnealdeko zenbait tokitan, igande arratsalde honetan
Hain zuzen ere, 40,5 ºC-ra iritsi dira Amurrion eta 40,3 ºC-ra Zallan eta Noainen, besteak beste. Kostaldean, aldiz, nabarmen baxuagoak izan dira.
Ume bat, urarekin jolasean. Artxiboko argazkia: Europa Press
Tenperatura altuak 40 ºC-ra iritsi dira igande arratsaldean lurralde barnealdeko zenbait tokitan. Kostaldean, aldiz, nabarmen baxuagoak izan dira tenperaturak: 26 ºC Bermeon, 27 ºC Zumaian, 29 ºC Biarritzen eta 30 ºC Getxon, adibidez.
Zehazki, igande arratsaldean, Laudion 39,8 ºC-ra iritsi dira, Barrundian 39,4 ºC-ra, Gasteizen 39,3 ºC-ra eta Kanpezun 38,9 ºC-ra.
Bizkaian, Arrigorriagako Abusu neurketa-estazioak 38,1 ºC neurtu ditu. Tenperaturarik altuenak Zallan (40,3 ºC), Orozkon (39 ºC) eta Sodupen (39 ºC) izan dira.
Araban, maximoak Amurrion eman dira (40,5 ºC), eta 40 ºC-tik gorakoak ere izan dira beste toki batzuetan, hala nola Arkautin edo Eturan.
Gipuzkoan, ordea, tenperaturak ez dira 39 ºC-tik gorakoak izan: Bergaran 38,6 ºC, Arrasaten 38 ºC eta Beasainen 36 ºC izan dira.
Igande honetan, alerta laranja egongo da indarrean arratsaldeko azken ordura arte, trantsizio-eremuan eta Ebroko ardatzean tenperatura oso altuak espero direlako; kostaldean, berriz, abisu horia ezarri dute.
Nafarroan ere maximoak 40 ºC-tik gorakoak izan dira, eta bero zakarra izan dute Noainen (40,3 ºC), Lizarran (39,5 ºC) eta Behortegin (39,5 ºC).
Ipar Euskal Herrian maximoak 38 ºC ingurukoak izan dira, bereziki Iruri, Aiziritze eta Urepel bezalako tokietan.
Zure interesekoa izan daiteke
Alerta laranja asteartera arte luzatu dute, 38 ºC-ko tenperaturarekin barnealdean
Muturreko tenperaturen ondorioz, lurraldearen zati handi bat abisupean jarraituko du; apur bat jaitsiko dira tenperaturak bihar, baina iparraldeko zonalde batzuetan bakarrik.
Uda giroa nagusituko da asteburuan Euskal Herrian, eta igandean 35 gradutik gorako tenperaturak izango dira
Larunbatean udako giroa sendotuko da eta igandean tenperaturek nabarmen egingo dute gora, batez ere barnealdean.
Aste hasiera grisa eta ezegonkorra
Zerua hodeitsu egongo da eta euria egingo du tarteka gaur goizean, baina arratsaldetik aurrera hobera egingo du.
Muturreko beroaldia Europan
Europako herrialde askotan, muturreko tenperaturak dituzte oraindik, 40 gradurainokoak. Beroaldiak muturreko tenperatura historikoak utzi ditu Alemanian, Danimarkan eta Txekian. Herrialde batzuetan, agintariak ur-kanoiak erabiltzen ari dira herritarrak freskatzeko.
Larunbateko beroak euriteak ekarriko ditu igandean Euskal Herrira
Euskadin metro koadroko 15 litro euri baino gehiago pilatu ahal izango dira ordubetean. Ia Nafarroa osoan eta Ipar Euskal Herrian, berriz, alerta laranja ezarriko dute euriteen ondorioz.
Beroak atseden hartuko du igandean, eta ekaitz arriskua izango da hainbat tokitan
Maximoak nabarmen jaitsiko dira. Kostaldean apalagoa izango da aldaketa, aurreko egunetan ere beroenek behera egin dutelako, baita Nafarroa ekialdean eta hegoaldean ere. Ildo horretatik, beroenak 30 ºC azpitik geratuko dira leku gehienetan.
Albiste izango dira: Tenperaturak behera egiten hasi dira, "Ihesi, norbera izateko" dokumentalaren estreinaldia eta lurrikarak Venezuelan
Gaurkoan Orain-en albiste izango direnen laburpena, bi hitzetan.
Bero-kupula, ezohiko beroaldia eragiten ari den fenomenoa
Hego haizeak eta eguzki gogorrak tenperaturak sasoiz kanpoko errekorretara eraman dituzte. Bero-kupula deitzen zaio bero-bolada hau eratzen ari den fenomenoari. Hona hemen Euskal Herria itoarazten ari den sargoriaren zergatiak, Arnaitz Fernandez ETBko meteorologoak azalduta.
Ekaineko tenperaturan errekor historikoak neurtu dira: 43,6 ºC Laudion eta 42,9 ºC Baztanen
Beroak ez du atsedenik emango, gutxienez, bihar iluntzera arte. EAE osoan alarma gorria egongo da ezarrita barrualdean, eta laranja, kostaldean. Nafarroan ere, abisu laranjapean egongo dira bihar egun osoan.
Noiz arte jarraituko du muturreko beroaldiak Euskal Herrian?
Tenperatura oso altuak daude leku askotan, alerta berriak aktibatu dituzte eta maximoak 40 ºC inguruan daude. Egoera astearen bigarren erditik aurrera hasiko da aldatzen.