Bi urte eta hiru hilabeteko zigorraren aurkako helegitea jarriko du Eliseo Gilek
Eliseo Gil Iruña-Veleiako aztarnategi erromatarreko zuzendari ohiak helegitea jarriko du asteazkenean jasotako bi urte eta hiru hilabeteko kartzela-zigorraren aurka (halaber, Arabako Foru Aldundiari 12.490 euro ordaindu behar dizkio); izan ere, Gilen iritziz, epaiak onartu egiten du, berariaz, ez dagoela frogatuta bera izatea hainbat piezatako grafitoen edo inskripzioen egilea.
Gasteizko Zigor-arloko 1. zenbakiko Epaitegiko epaileak iruzurra eta dokumentuak faltsutzea leporatu dizkio; lehenak urtebete eta hiru hilabeteko kartzela-zigorra dakar, eta bigarrenak, aldiz, urtebetekoa. Epailearen iritziz, Gilek berak manipulatu egin zituen piezak, edo beste pertsona batzuen bidez egin zuen; grafitoak, bere garaian, historikotzat jo zituzten, euskararen agerpena uste baino mende batzuk lehenago kokatzen baitzituzten.
Defentsaren esanetan, epaiak "oso gutxi landutako zantzuak" ditu oinarri, "zigor-epai bat ebazteko moduko pisu juridikorik gabeko zantzuak".
Iruzurraren zigorrari buruz, abokatuak dio epaiak adierazten duela Gil Ruben Cerdanekin, alegia, beste zigortuarekin, ados jarri zela, txosten batzuk egiteko, nahiz eta jakin bazekien analisiak edo zientzia-probak ez zituztela egingo. Horren helburua Aldundiaren 12.000 euroko diru-laguntza jasotzea omen zen. Defentsak, baina, dio epaileak "alde batera utzi duela" Aldundiak berak aurkeztu zuela Cerdan "profesional espezializatu gisa", horrelako probak egiteko, eta foru-erakundeak gomendatu zuela Cerdan arkeologoei.
Gainera, abokatuaren hitzetan, "zentzugabea" litzateke Gilen enpresak Euskotrenekin zuen hitzarmena, 12.000 eurorengatik; izan ere, hitzarmena 3,7 milioi eurokoa zen.
Azkenik, Gilen defentsak dio epaiak alde batera utzi duela ez zegoela inolako arrazoirik Gilek delitu horiek egiteko. Onartzen duenez, "zaila" zen pentsatzea epaiak aske utziko zuela Gil, kontuan izanik azken horrek hamaika urte eman dituela "aulki-zigorraren mendean".
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.